ទូរសព្ទកំពូលថ្មីរបស់ក្រុមហ៊ុន Tecno មានកាមេរ៉ា ដែលអាចលៀនចេញមកខាងមុខបាន

បរទេស៖ ស៊េរីទូរសព្ទ Phantom ដ៏ប្រណិតរបស់ក្រុមហ៊ុន Tecno ត្រលប់មកវិញជាមួយនឹងការកែច្នៃប្រឌិតកាមេរ៉ាថ្មី និងបន្ទះឈីបដែលខ្លាំងជាងមុន។ស៊េរីទូរសព្ទនេះមានចំនួនពីរម៉ូឌែល ដែលមួយក្នុងចំណោមនេះមានកាមេរ៉ា portrait ដែលអាចលៀនចេញមកខាងមុខ។ ទូរសព្ទ Tecno Phantom X2 និងPhantom X2 Pro ទាំងពីរដំណើរការដោយឈីបDimensity 9000។

មកដល់ត្រង់នេះ យើងសុំផ្ដោតសំខាន់តែនៅលើម៉ូឌែលPro ប៉ុណ្ណោះ។ ស្មាតហ្វូន X2 Pro ប្រើប្រាស់ប្រភេទរ៉េម LPDDR5X ទំហំឡើងដល់12GB រួមជាមួយនឹងប្រភេទអង្គផ្ទុកទិន្នន័យUFS 3.1 ទំហំឡើងដល់256GB។ ស៊េរីX2 ធ្វើឲ្យប្រសើរឡើងជាងទូរសព្ទ Phantom ជំនាន់ដើមដោយដំណើរការនៅលើអេក្រង់ AMOLED ល្បឿន 120Hz refreshrate។ អេក្រង់របស់វាមានទំហំ6.8អ៊ីញជាមួយនឹងកម្រិតភាពច្បាស់ FHD+ ខ្នាត 20:9។ បន្ថែមពីនេះអេក្រង់កាន់តែមានសុវត្ថិភាពជាងមុន ដែលវាត្រូវបានការពារដោយ Gorilla GlassVictus។

ទូរសព្ទនេះមានថាមពលថ្ម 5,160mAh ជាមួយនឹងការសាកថ្ម 45W។ និយាយពីកាមេរ៉ាវិញ PhantomX2 Pro មានឡេនគោលទំហំ50MP, ឡេន telephoto ទំហំ50MP ដែលអាចលៀនចេញក្រៅបាន,និងឡេនទូលាយទំហំ 13MP។ ចំណែកនៅផ្នែកខាងមុខវាមានកាមេរ៉ាសែហ្វីទំហំ32MP។ Phantom X2 Pro មកជាមួយជម្រើសពណ៌ដូចជា Mars Orange (ទឹកក្រូច) និង Stardust Grey (ប្រផេះ)៕

ប្រភព: GSMArena