<p><b>បរទេស៖</b> ការធ្វើតេស្ដថ្មីមួយនៅលើកម្មវិធី Instagram នឹងធ្វើឲ្យវាមើលទៅកាន់តែដូចកម្មវិធី TikTok។ យោងតាមគេហទំព័រ TechCrunch បានឲ្យដឹងថាកម្មវិធី Instagram កំពុងធ្វើការពិសោធន៍ជាមួយផ្ទាំង feedបែបបញ្ឈរពេញអេក្រង់។ នៅពេលបើកកម្មវិធី Instagram អ្នកប្រើប្រាស់ឃើញភ្លាមៗនូវមាតិកាបញ្ឈរផ្សេងៗ ដែលនឹងធ្វើឲ្យវីដេអូគឺជាផ្នែកដ៏សំខាន់។</p><p> ប្រធានកម្មវិធី Instagram លោក AdamMosseri បានបញ្ជាក់ពីការធ្វើតេស្ដនេះនៅក្នុងវីដេអូមួយដែលបង្ហោះនៅលើបណ្ដាញសង្គម Twitter ​ដោយនិយាយថារូបថតនិងវីដេអូដែលមានខ្នាតបែបវែងបញ្ឈរ នឹងចាប់ផ្ដើមបង្ហាញនៅក្នុងផ្ទាំង feed មួយចំនួន។ រូបភាពមួយសន្លឹកដែលបានបញ្ជាក់ពីការធ្វើតេស្ដដោយ Instagramបង្ហាញពី ផ្ទាំង home feed ដែលមានការបង្ហោះពេញអេក្រង់ជាមួយ comments, captions, likes និងមុខងារផ្សេងទៀតគឺស្ថិតនៅពីលើការផុសនេះតែម្ដង ជំនួសឲ្យស្ថិតនៅពីខាងក្រោមដូចកាលពីមុន។</p><figure style="text-align:center"><img src="https://cms.dmpcdn.com/article/2022/05/04/47d38660-cb80-11ec-bdf8-6f3ce79e6f3a_original.png" alt="រូបភាពបង្ហាញពីការធ្វើតេស្ដមួយនេះ" style="width:100%"/><figcaption>រូបភាពបង្ហាញពីការធ្វើតេស្ដមួយនេះ</figcaption></figure><p> បើទោះបីរបា Storiesមិនបានបង្ហាញនៅផ្នែកខាងលើនៃរូបភាពនេះ ក៏អ្នកនាំពាក្យរបស់ក្រុមហ៊ុន Metaគឺអ្នកនាង Seine Kim និយាយថារូបភាពនេះបង្ហាញពី home feed នៅពេលអ្នកប្រើប្រាស់ម្នាក់បានអូសចុះមកក្រោមហើយ Stories គឺស្ថិតនៅផ្នែកខាងលើដដែល។ ចំណែកប៊ូតុង Search,Reels, shopping និង profile របស់អ្នកប្រើគឺនៅតែស្ថិតនៅផ្នែកខាងក្រោមអេក្រង់ (លក្ខណៈបែបនេះ ទៅតាមប្រទេសមួយចំនួន)។ ចំណែកប៊ូតុង Notifications, message និងប៊ូតុងបង្ហោះ(រូបភាព/វីដេអូ)គឺស្ថិតនៅផ្នែកខាងលើ។ ការជ្រើសរើសរបស់ Instagram ដើម្បីធ្វើតេស្ដផ្ទាំងfeed ដែលផ្ដោតលើវីដេអូ មិនមែនជារឿងគួរឲ្យភ្ញាក់ផ្អើលទេ៕</p><div style="text-align:center"><div><blockquote class="twitter-tweet"><p lang="en" dir="ltr">📣 Testing Feed Changes 📣<br><br>We’re testing a new, immersive viewing experience in the main Home feed. <br><br>If you’re in the test, check it out and let me know what you think. 👇🏼 <a href="https://t.co/dmM5RzpicQ">pic.twitter.com/dmM5RzpicQ</a></p>&mdash; Adam Mosseri (@mosseri) <a href="https://twitter.com/mosseri/status/1521589403671355392?ref_src=twsrc%5Etfw">May 3, 2022</a></blockquote> <script async src="https://platform.twitter.com/widgets.js" charset="utf-8"></script></div><i>វីដេអូរបស់លោក&nbsp;Adam Mosseri នៅលើ Twitter</i></div><p><b>ប្រភព: The Verge</b></p>

កម្មវិធី IG ចាប់ផ្ដើមធ្វើតេស្ដ ផ្ទាំង feed ពេញអេក្រង់ តាមតិកតុកដែរ