ទីបំផុត! គេបានដឹងពីទំហំថ្មពិតប្រាកដ នៃ iPhone 14 ទាំង4ម៉ូឌែល មុនពេលដាក់លក់ជាផ្លូវការ - TrueID

ទីបំផុត! គេបានដឹងពីទំហំថ្មពិតប្រាកដ នៃ iPhone 14 ទាំង4ម៉ូឌែល មុនពេលដាក់លក់ជាផ្លូវការ

September 12, 2022

បរទេស៖ ក្រុមហ៊ុន Apple មិនបានផ្សព្វផ្សាយអំពីថាមពលថ្ម សម្រាប់ត្រកូល iPhone14 ថ្មីរបស់ខ្លួននោះទេ ប៉ុន្តែវេបសាយ MacRumors បានទទួលព័ត៌មាននេះ ពីមូលដ្ឋានទិន្នន័យនិយតកម្មរបស់ចិន។ ទូរសព្ទ iPhone14 ចំនួនបីក្នុងចំណោមទាំងបួនម៉ូឌែល មានថាមពលថ្មធំជាងមុនបើប្រៀបធៀបទៅនឹងត្រកូល iPhone 13 ដោយលើកលែងតែ iPhone14 Pro Max ប៉ុណ្ណោះ ដែលបំពាក់ថ្មតូចជាងមុនបន្តិច បើធៀបជាមួយនឹង iPhone13 Pro Max។

នេះជាសមត្ថភាពថាមពលសម្រាប់ត្រកូល iPhone 13៖

·       iPhone 13mini: 2,406 mAh

·       iPhone 13:3,227 mAh

·       iPhone 13Pro: 3,095 mAh

·       iPhone 13Pro Max: 4,352 mAh

នេះជាសមត្ថភាពថាមពលសម្រាប់ត្រកូល iPhone14៖

·       iPhone 14: 3,279 mAh

·       iPhone 14 Plus: 4,325mAh

·       iPhone 14 Pro: 3,200 mAh

·       iPhone 14 Pro Max: 4,323mAh

មូលដ្ឋានទិន្នន័យដូចគ្នានេះ បានបង្ហាញយ៉ាងត្រឹមត្រូវអំពីទំហំថ្ម សម្រាប់ iPhone 13 ទាំងបួនម៉ូឌែល និង MacBook Pro 14អ៊ីញមុនពេលឧបករណ៍ទាំងនេះចេញលក់ កាលពីឆ្នាំមុន។ Apple និយាយថា iPhone14 ទាំងបួនម៉ូឌែល មានថាមពលថ្មកាន់បានពេញមួយថ្ងៃ។ ម៉ូឌែល iPhone14, iPhone 14 Pro, និង iPhone 14 Pro Maxមានថាមពលថ្មកាន់យូរជាងមុនមួយម៉ោង សម្រាប់ការចាក់វីដេអូមិនបើកអ៊ីនធឺណេតបើប្រៀបធៀបទៅនឹងម៉ូឌែល iPhone 13 នានានេះបើយោងតាមលក្ខណៈបច្ចេកទេស នៅលើវេបសាយរបស់ក្រុមហ៊ុ​ន Apple ខណៈពេលដែលគេមិនអាចប្រៀបធៀបដោយផ្ទាល់ ទៅលើ iPhone 14 Plus ទេ។

ទូរសព្ទ iPhone 14 ទាំងបួនម៉ូឌែលត្រូវបាន Appleប្រកាសបង្ហាញកាលពីសប្ដាហ៍មុន ហើយអាចធ្វើការកម្ម៉ង់ទុកជាមុនចាប់ពីថ្ងៃទី9 ខែកញ្ញា។ ឧបករណ៍ទាំងនេះគ្រោងនឹងចេញលក់នៅថ្ងៃទី16 ខែកញ្ញា លើកលែងតែ iPhone 14 Plus ដែលនឹងដាក់លក់នៅថ្ងៃទី7 ខែតុលា៕

ស៊េរី iPhone 14
ស៊េរី iPhone 14

ប្រភព: MacRumors

អាន​បន្ថែម
Loading...
Loading...
Loading...
Loading...