អីយ៉ាស់! ស្ងាត់ៗ Barca ចង់យកកីឡាករម្នាក់របស់ខ្លួនទៅប្ដូរយក Mazraoui ពី Ajax

អេស្ប៉ាញ៖ ក្លិបអ្នកមានបុណ្យ Barcelona កំពុងធ្វើការពិភាក្សាលើការដោះដូរ ខ្សែការពារ Sergino Dest ដោយយកខ្សែការពារ Noussair Mazraoui ពីក្លិប AFC Ajax មកវិញ។

Dest ដែលជាអតីតកីឡាកររបស់ Ajax បានផ្ទេរមកទឹកដី Camp Nou កាលឆ្នាំ២០២០ប៉ុន្តែកីឡាកររូបនេះរាងធ្លាក់ជើងជាងមុននិងកំពុងរងការរិះគន់ពីអ្នកគាំទ្រ។

សារព័ត៌មានមួយបានបង្ហើបថា Barca ចង់ឲ្យគេទៅ Ajax វិញព្រោះកីឡាករសញ្ជាតិអាមេរិករូបនេះចង់ផ្ទេរទៅក្លិបផ្សេងបើសិនមានសំណើល្អៗ ខណៈដែល Mazraoui កំពុងជិតនឹងផុតកុងត្រាជាមួយ Ajax ទើបភាគីលោក Xavi Hernandez ចង់បានគេមករួមក្រុម។

លោកប្រធានក្លិប Barcelona Joan Laporta និងភ្នាក់ងាររបស់គេគឺលោក Mino Raiola ក៏មានការជួបពិភាក្សាគ្នាដែរ ។

គួរបញ្ជាក់ផងដែរថា ខ្សែការពារ Noussair Mazraoui បានបង្ហាញខ្លួនឲ្យ Ajax បាន១៤ប្រកួតនារដូវកាលនេះនិងបានបញ្ជូនបាល់២គ្រាប់និងស៊ុតបញ្ចូលទី៤គ្រាប់៕

ប្រភព៖​ sportskeeda