<p><b>MCL</b>៖ ក្រុមម្ចាស់ផ្ទះភ្នំពេញក្រោន បានប្រកួតតទល់គ្នានឹងក្រុមភ្ញៀវព្រះខ័នរាជស្វាយរៀងយ៉ាងស្វិតស្វាញ នៅក្រោមដំណក់ទឹកភ្លៀង នៅឯកីឡដ្ឋាន Smart RSN កាលពីយប់ថ្ងៃព្រហស្បតិ៍ ទី១៥ ខែកក្កដា ឆ្នាំ២០២១ ម្សិលមិញនេះ។ ប៉ុន្ដែ ក្រោយពីបានប្រឹងប្រែង៩០នាទីពេញដូចគ្នា ក្រុមទាំងពីរបានត្រឹមចែគ្នាម្នាក់១ពិន្ទុប៉ុណ្ណោះ នៅក្នុងលទ្ធផលស្មើគ្នា ៣ ទល់នឹង ៣ ។&nbsp;</p><figure style="text-align:center"><img src="https://cms.dmpcdn.com/article/2021/07/16/dfd48e10-e60b-11eb-817b-17e2ded05283_original.jpg" alt="រូបភាពពី៖ MCL" style="width:100%"/><figcaption>រូបភាពពី៖ MCL</figcaption></figure><p>យ៉ាងណាមិញ ក្រោយចប់ការប្រកួតដ៏ជក់ចិត្ដខាងលើ លោក <b>Oleg Starynskyi</b>&nbsp;គ្រូបង្វឹករបស់ក្រុមសិង្ហក្រហមភ្នំពេញក្រោន បានបង្ហាញការយល់ឃើញចំពោះការប្រកួត យ៉ាងដូច្នេះថា៖&nbsp;</p><blockquote><aside>យើងលេងបានល្អសម្រាប់ការប្រកួតនេះ គ្រាន់តែយើងមិនចង់បាននៅលទ្ធផលបែបនេះ ប៉ុន្តែជារួមមកខ្ញុំមានមោទកភាពចំពោះការប្រកួត​ និងការបង្ហាញរបស់ក្រុមយើង។</aside><label>— <i>&nbsp; &nbsp;លោក&nbsp;<b>Oleg Starynskyi</b></i></label></blockquote><figure style="text-align:center"><img src="https://cms.dmpcdn.com/article/2021/07/16/e066bbf0-e60b-11eb-817b-17e2ded05283_original.jpg" alt="រូបភាពពី៖ MCL" style="width:100%"/><figcaption>រូបភាពពី៖ MCL</figcaption></figure><p>ដោយឡែក នៅពេលគេសួរថា «យើងបានគ្រប់គ្រងក្នុងការប្រកួតនេះ ហើយបានវាយបករហូតបានគ្រាប់បាល់ឈ្នះមកវិញ ប៉ុន្តែបែរជារបូតគ្រាប់បាល់នៅ១០នាទីចុងក្រោយទៅវិញ តើលោកយល់យ៉ាងដូចម្តេចដែរ?»</p><p>លោក&nbsp;<b>Oleg&nbsp;</b>បានឆ្លើយថា៖</p><blockquote><aside>ខ្ញុំមិនមានការពន្យល់អ្វីច្រើនពេកទេសម្រាប់ការរឿងនេះ ព្រោះមានរឿងរ៉ាវជាច្រើន ប៉ុន្តែយើងមានលទ្ធភាពក្នុងការរកគ្រាប់បាល់បាននៅដើមវគ្គទីមួយ ​ដោយវគ្គទីមួយគួរតែ៣ទល់០ ក៏អាចថាបាន យើងបានរបូតគ្រាប់បាល់នៅពេលដែលគេវាយបកមកវិញ ប៉ុន្តែខ្ញុំគិតថាគ្រាប់បាល់ដែលយើងរកបាននៅចុងវគ្គទីមួយនោះគឺជាគ្រាប់បាល់ដែលសំខាន់ខ្លាំងណាស់។ យើងលេងបានល្អក្នុងការប្រកួត យើងគ្រប់គ្រងការប្រកួត ប៉ុន្តែខ្ញុំគិតថាភាពខ្វះខាតនៃចង្វាក់នៃការលេង ដោយសារតែយើងមិនមានការប្រកួតផ្លូវការក្នុងរយៈពេលយូរ ហើយក៏មានភាពខ្វះខាតនៃការបញ្ចប់ទី និងការការពារនៅតំបន់ខាងក្រោមផងដែរ៕</aside><label>— <i>&nbsp; &nbsp; &nbsp;លោក&nbsp;<b>Oleg Starynskyi</b></i></label></blockquote><figure style="text-align:center"><img src="https://cms.dmpcdn.com/article/2021/07/16/e0f0fa90-e60b-11eb-b3f5-8140d94796e3_original.jpg" alt="រូបភាពពី៖ MCL" style="width:100%"/><figcaption>រូបភាពពី៖ MCL</figcaption></figure><figure style="text-align:center"><img src="https://cms.dmpcdn.com/article/2021/07/16/e1821700-e60b-11eb-817b-17e2ded05283_original.jpg" alt="រូបភាពពី៖ MCL" style="width:100%"/><figcaption>រូបភាពពី៖ MCL</figcaption></figure><figure style="text-align:center"><img src="https://cms.dmpcdn.com/article/2021/07/16/e1f37670-e60b-11eb-817b-17e2ded05283_original.jpg" alt="រូបភាពពី៖ MCL" style="width:100%"/><figcaption>រូបភាពពី៖ MCL</figcaption></figure><div style="text-align:center"><div style="width:100%;position:relative;padding-bottom:56.222222222222214%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" width="900" height="506" src="https://www.youtube.com/embed/AcZbepDE9BQ"></iframe></div><i>វីដេអូ</i></div><p><b>ប្រភព៖​</b> <a href="http://www.ppcfc.com/oleg-on-the-game-with-svr/">ppcfc</a></p>

គ្រូភ្នំពេញក្រោននិយាយថាម៉េចខ្លះ ក្រោយចប់ការប្រកួតដ៏តានតឹង ជាមួយព្រះខ័នរាជស្វាយវៀង ម្សិលមិញ? (មានវីដេអូ)