លេងសើចម៉េចបាន! Verratti ឈ្នះ EURO ភ្លាម ការប្រពន្ធថ្មីភ្លែត

ប៉ារីស៖ ខ្សែបម្រើក្លិប​ PSG កីឡាករ Marco Verratti បានរៀបមង្គលការជាលើកទី២ជាមួយតារាម៉ូដែលនាង Jessica Aidi បន្ទាប់ពីជួយជម្រើសជាតិអ៊ីតាលីឈ្នះពាន​EURO 2020 នាពេលថ្មីៗនេះ។

យោងតាមសារព័ត៌មាន Daily Mail បានឲ្យដឹងថា តារាម៉ូដែល Jessica វ័យ ២៩ឆ្នាំ ត្រូវបានគេប្រទះឃើញនៅជាមួយបុរសកូនពីរVerratti លើកដំបូងនៅក្នុងព្រឹត្ដិការណ៍ប្រណាំងរថយន្ដ Monaco Grand Prix ក្នុងឆ្នាំ២០១៩ ពោលនៅរយៈពេលតែប៉ុន្មានខែបន្ទាប់ពីកីឡាករវ័យ ២៨ឆ្នាំរូបនេះ ប្រកាសលែងលះជាមួយប្រពន្ធទីមួយនាង LauraZazzara ។

មង្គលការរបស់ Verratti និង Jessica ដែលបានរៀបចំ​​នៅ​ទីក្រុង​ប៉ារីសប្រទេស​បារាំង​ ពុំធំដុំប៉ុន្មានឡើយ ខណៈដែលមានការចូលរួមដោយកូនប្រុសទាំងពីរគឺ Tomasso និង Andrea រួមទាំងសាច់ញាតិនិងមិត្ដភ័ក្ដប្រុសស្រីមួយចំនួនទៀតប៉ុណ្ណោះ៕

សូមទស្សនារូបភាពបន្ថែម៖

ប្រភព៖​ dailymail