ដឹងអត់ថា ការបង្ហាញមុខរបស់ Ronaldo ក្នុងនាមជាកីឡាករ Al-Nassr មានចំនួនអ្នកទស្សនាតាមកញ្ចក់ទូរទស្សន៍ច្រើនជាង Messi លើកពាន World Cup ទៅទៀត

អារ៉ាប់ប៊ីសាអូឌីត ៖ ការបង្ហាញមុខរបស់ខ្សែប្រយុទ្ធ Cristiano Ronaldo ក្នុងនាមជាកីឡាករ Al-Nassr មានអ្នកមើលតាមកញ្ចក់ទូរទស្សន៍ជាង៣ពាន់លាននាក់នៅប៉ុស្តិ៍ទូរទស្សន៍ជាង៤០ ប៉ុស្តិ៍។​

កំណត់ត្រានេះគឺវ៉ាដាច់ ការផ្សាយផ្ទាល់ដែល ខ្សែប្រយុទ្ធ Lionel Messi  លើកពានបាល់ទាត់ពិភពលោកឆ្នាំ២០២២ ដែលមានចំនួនអ្នកទស្សនាតែ២.៥ពាន់លាននាក់ប៉ុណ្ណោះ។​

Ronaldo ទើបតែព្រមព្រៀងផ្លាស់មកក្លិប Al-Nassr នៅឯប្រទេសអារ៉ាប់ប៊ីសាអូឌីត កាលពីដើមខែមករាឆ្នាំ២០២៣ កន្លង​ទៅ ដោយរូបគេទទួលបានប្រាក់ឈ្នួលជិត២០០លានដុល្លារក្នុងមួយរដូវកាល។​

នេះបង្ហាញឲ្យឃើញថា Cristiano Ronaldo នៅតែមានឥទ្ធិពលខ្លាំងនៅក្នុងពិភពបាល់ទាត់បើទោះបីជារូបគេបានចាកចេញពីលីគកំពូលអឺរ៉ុប មកកាន់លីគកំពូលប្រទេសអារ៉ាប់ប៊ីសាអូឌីត ដែលនៅទ្វីបអាស៊ីក្ដី៕

ប្រភព៖​ sportskeeda