ខ្លាចដូច Grealish នៅ Man City! Ferdinand បារម្ភថាកីឡាករចំណូលថ្មីម្នាក់នេះលេងអត់កើតនៅ Man UTD

August 31, 2022

អង់គ្លេស៖ លោក Rio Ferdinand បានដាស់តឿនទៅកាន់ក្លិប Manchester United ថា ខ្សែប្រយុទ្ធ Antony អាចនឹងលេងមិនបានល្អ ដូច Jack Grealish ពេលផ្ទេរទៅ Manchester City ។

បិសាចក្រហមបានបង្ហាញមុខ Antony ក្នុងនាមជាកីឡាកតថ្មីកាលពីយប់ថ្ងៃទី៣០ខែសីហាក្នុងតម្លៃផ្ទេរ១០០លានដុល្លារ។

យ៉ាងណាមិញ លោក Ferdinand បាននិយាយថា ការដែល Antony មានតម្លៃផ្ទេរខ្ពស់បែបនេះគឺធ្វើឲ្យគេមានសម្ពាធក្នុងការលេងដែលជាផលអវិជ្ជមានមួយ។

លោកបាននិយាយថា៖

ឥលូវនេះ Grealish បានឈ្នះពានក្នុងលីគកាលពីរដូវកាលមុន ដូច្នេះគេសប្បាយចិត្ត វាគ្មានបញ្ហាទេ ប៉ុន្តែអ្នកឃើញទេថាជួនកាល កីឡាករដែលមានតម្លៃផ្ទេរខ្ពស់ គឺពួកគេមិនមានសេរីភាពក្នុងការលេងដូចមុនទេ។ វាអាចនឹងមកពីស្លាកតម្លៃនេះវាធ្ងន់ពេក ហើយនិងសម្ពាធព្រមទាំងការចាប់អារម្មណ៍ច្រើនមកពលើរូបគេ បូកផ្សំនឹងបរិស្ថានថ្មី និងវប្បធម៌របស់ក្លិបដែលពួកគេមិនទម្លាប់ ហើយនិងក្រុមមួយដែលពួកគេមិនទម្លាប់នឹងលេងជាមួយ។ អ្វីទាំងបីយ៉ាងនេះគឺជារឿងធំ ដែលអាចកើតមានឡើងពេលអ្នកចុះកុងត្រាយកគេ ប៉ុន្តែអ្នកត្រូវតែមានបុគ្គលិកលក្ខណៈនិងចរិតដើម្បីដោះស្រាយជាមួយវា។
— លោក Rio Ferdinand

ប្រភព៖ metro

ដៃគូរសហការ One Football

អានបន្ថែម