វីវរហើយ! កីឡាករ Spurs រូបនេះរបួ»_សជង្គង់ ACL ដោយអវត្តមានរហូតដល់ចប់រដូវកាល

អង់គ្លេស៖ ខ្សែបម្រើ Rodrigo Bentacur នឹងអវត្តមានរហូតដល់ចប់រដូវកាលគឺយ៉ាងហោចណាស់ ៦ខែ បន្ទាប់ពីបានរងរបួសដាច់សរសៃជង្គង់ ACL ក្នុងការប្រកួតទល់នឹង Leicester City កាលពីយប់ថ្ងៃទី១១ខែកុម្ភៈកន្លងទៅ។

​Spurs បានចាញ់ Leicester City ៤ ទល់នឹង១ បើទោះបីជា Bentacur ជាអ្នកស៊ុតបើកឆាក១គ្រាប់ឲ្យ Spurs ក៏ដោយ។​

យ៉ាងណាមិញនៅនាទីទី៦៥ រូបគេក៏បានដើរចេញពីទីលានដោយសាររងរបួសត្រង់ជង្គង់ ហើយបន្ទាប់ពីឆ្លងកាត់ការពិនិត្យរួចមកគឺវាជាប្រភេទរបួស ACL ដ៏ធ្ងន់ធ្ងរ។

​គួរបញ្ជាក់ផងដែរថា Rodrigo Bentacur រកបាន៥គ្រាប់និងបញ្ជូនបាល់២គ្រាប់ឲ្យ Spurs ក្នុងការប្រកួត Premier League រដូវកាលនេះ៕

ប្រភព៖​ metro