ក្តៅៗ! តារាឆ្នើមស្វាយរៀងរូបនេះ ចាកចេញពីក្លិបដើម្បីផ្លាស់ទៅកាន់ Bali United នៃលីគកំពូលឥណ្ឌូនេស៊ីហើយ

កម្ពុជា៖ នៅមុននេះបន្តិច ក្លិប ព្រះខ័នរាជស្វាយរៀង បានប្រកាសជាផ្លូវការអំពីការចែកផ្លូវគ្នាជាមួយខ្សែប្រយុទ្ធឆ្នើមរបស់ខ្លួន គឺ Privat Mbarga ទៅកាន់ក្លិប Bali United នៃលីគកំពូលឥណ្ឌូនេស៊ី។

ជាការពិតណាស់ Privat បានចូលរួមជាមួយស្វាយរៀង ចាប់តាំងពីឆ្នាំ២០១៩ ហើយ រូបគេក៏បានរួមចំណែកជួយក្រុមឲ្យឈ្នះពានរង្វាន់លីគកំពូលកម្ពុជាបានម្តងផងដែរ ហើយ ចំពោះពានរង្វាន់ឯត្តជនរូបគេបានឈ្នះពានរង្វាន់ស្បែកជើងមាស២រដូវកាលជាប់ៗគ្នាព្រមទាំងឈ្នះពានកីឡាករឆ្នើមជាងគេប្រចាំរដូវកាលមុនផងដែរ។

ចំពោះការចាកចេញនេះទៀតសោត ក្លិបស្វាយរៀង ក៏បានថ្លែងអំណរគុណដល់កីឡាករ Privat សម្រាប់ការរួមចំណែករបស់គេចាប់តាំងពីឆ្នាំ ២០១៩ ហើយ ជូនពរឱ្យជួបតែសំណាងល្អផងដែរ៕

ប្រភព៖​ Preah Khan Reach Svay Rieng FC