អ្នកណាគេទៅ? Rashford ចាត់ទុក ម្នាក់នេះជាខ្សែការពារដែលខ្លួនគិតថាពិបាកប្រឈមមុខជាមួយបំផុត

June 9, 2021

អឺរ៉ុប៖ ខ្សែប្រយុទ្ធក្លិប Manchester United កីឡាករ Marcus Rashford បានចាត់ទុក Raphael Varane ជា ខ្សែការពារដែលខ្លួនពិបាកនឹងប្រឈមមុខជាមួយបំផុត។

កីឡាករ Marcus Rashford និង Raphael Varane

ជាការពិតណាស់ Rashford បានលើកឡើងបែបនេះស្របពេលដែលមានពាក្យចចាមអារ៉ាមថា Man Utd នឹងដាក់សំណើរទៅកាន់ Real Madrid ដើម្បីនាំយក Varane មកកាន់កីឡដ្ឋាន Old Trafford។

Rashford បាននិយាយថា៖

ក្រុមមួយចំនួនការពារបានល្អណាស់ ជាក់ស្តែងប្រសិនបើពួកគេសម្រុក គឺ សម្រុកខ្លាំងអស់គ្នា និង បើទម្លាក់ការពារ គឺ ទម្លាក់ទាំងអស់គ្នា។ វាពិតជាពិបាកក្នុងការស្វែកឲងរកចន្លោះដើម្បីលេង។ ជាក់ស្តែងពេលដែលខ្ញុំលេងជាមួយ Real Madrid ក្នុងការប្រកួតមិត្តភាព Varane ក៏បានលេងការប្រកួតនោះផងដែរ ហើយ ខ្ញុំគិតថាវាពិតជាតានតឹងណាស់ក្នុងការលេងទល់មុខនឹងគាត់៕
— កីឡាករ Marcus Rashford

ប្រភព៖ mirror

អានបន្ថែម