Cancelo បកស្រាយពីរឿងដែលគេថាខ្លួនឈ្លោះជាមួយ Pep ក្រោយចាកចេញពី Man City មកកាន់ Bayern

February 1, 2023

អាល្លឺម៉ង់៖ ខ្សែការពារ Joao Cancelo បានទម្លាយថាមូលហេតុពិតប្រាកដដែលគេចាកចេញពី Manchester City មកលេងខ្ចីជើងនៅ Bayern Munich គឺដោយសារតែគេចង់ជាប់ជម្រើស១១នាក់ដំបូងយ៉ាងទៀងទាត់។

វាជារឿងដ៏ភ្ញាក់ផ្អើលមួយដែល ខ្សែការពារសញ្ជាតិព័រទុយកាល់រូបនេះចាកចេញពីទឹកដី Etihad នាថ្ងៃចុងក្រោយនៃទីផ្សារដោះដូរខែមករា ដោយ Cancelo នឹងស្នាក់នៅ Bayern Munich រហូតដល់ចប់រដូវកាលនេះ។

Bayern Munich ក៏អាចទិញយកកីឡាកររូបនេះបានដែរក្នុងតម្លៃខ្ទង់៧៥លានដុល្លារ។

ថ្លែងក្នុងពិធីធ្វើសន្និសីតជាផ្លូវការ Cancelo បាននិយាយថា៖

មានពាក្យចចាមអារ៉ាមជាច្រើនទាក់ទងនឹងទំនាក់ទំនងខ្ញុំជាមួយ Pep Guardiola ប៉ុន្តែការពិតគឺខ្ញុំគ្រាន់តែចង់លេងឲ្យបានច្រើននាទីជាងនេះ។ ហើយខ្ញុំសម្លឹងឃើញឱកាសនេះនៅ Bayern ។ ខ្ញុំមិនបានសួរ Pep Guardiola ពីការផ្ទេរមក Bayern Munich ទេគឺគ្រប់យ៉ាងកើតឡើងឆាប់ពេកហើយ។ ខ្ញុំមានអារម្មណ៍ថាត្រៀមខ្លួនរួចរាល់ក្នុងការចូលលេងតែម្ដង។ ខ្ញុំចង់ពាក់អាវ Bayern និងលេងឲ្យបានឆាប់បំផុតតាមដែលអាចធ្វើបាន។ ខ្ញុំមានពេលវេលាអស្ចារ្យនៅ Manchester City ហើយខ្ញុំតែងតែមានអំណរគុណ។ ខ្ញុំនៅមានកុងត្រាជាមួយ City ដែរ។
— ខ្សែការពារ Joao Cancelo

ប្រភព៖ metro

ដៃគូរសហការ One Football

អានបន្ថែម