ល្អខ្លាំងណាស់! មកទស្សនាវីដេអូ Griezmann ក្រឡុកក្រុម ម៉ារ៉ុកយប់មិញ រហូតជាប់ជា Man of the Match(មានវីដេអូ)

បរទេស៖ ខ្សែបម្រើប្រយុទ្ធ Antoine Griezmann ត្រូវបានតែងតាំងជាកីឡាករល្អបំផុតប្រចាំការប្រកួត (Man of theMatch) បន្ទាប់ពី បារាំង ទទួលជ័យជម្នះទៅលើក្រុម ម៉ារ៉ុក កក់កៅអីឡើងទៅកាន់វគ្គផ្តាច់ព្រ័ត្រនៃព្រឹត្តិការណ៍ World Cup។

ជាការពិតណាស់ នៅក្នុងការប្រកួតវគ្គពាក់កណ្តាលផ្តាច់ព្រ័ត្រនៃពានរង្វាន់បាល់ទាត់ពិភពលោកយប់មិញ បារាំង បានយកឈ្នះទៅលើក្រុម ម៉ារ៉ុក ក្នុងលទ្ធផល ២ ទល់នឹង ០ ដែលក្នុងនោះស៊ុតបញ្ចូលទីដោយកីឡាករ Theo Hernandez មួយគ្រាប់ និងកីឡាករ Randal Kolo Muani មួយគ្រាប់។

ដ្បិតនៅក្នុងការប្រកួតយប់មិញ Griezmann មិនបានចូលរួមចំណែកស៊ុតបញ្ចូលទី ឬក៏ assist ប៉ុន្តែរូបគេបានដើរតួយ៉ាងសំខាន់ក្នុងនាមជាអ្នកនាំលេងសម្រាប់ក្រុម បារាំងរយៈពេល ៩០ នាទីពេញ រហូតជួយឱ្យក្រុមរហស្សនាមមាន់គកបានឡើងទៅកាន់វគ្គផ្តាច់ព្រ័ត្រនៃពាន World Cup ដើម្បីជួបជាមួយ អាហ្សង់ទីននៅថ្ងៃទី ១៨ ខែ ធ្នូ ឆ្នាំ ២០២២ ខាងមុខ៕

ដើម្បីជ្រាបច្បាស់សូមទស្សនាវីដេអូខាងក្រោម៖