ផ្លូវការ! ជម្រើសជាតិអង់គ្លេសបានកោះហៅកីឡាកររូបនេះមកជំនួសវិញ ក្រោយ Arnold របួស

អឺរ៉ុប៖ កីឡាករ Ben White ត្រូវបានកោះហៅចូលក្នុងបញ្ជីឈ្មោះកីឡាករ២៦ នាក់ចុងក្រោយរបស់ក្រុមជម្រើសជាតិអង់គ្លេស ដើម្បីត្រៀមការប្រកួតព្រឹត្តិការណ៍ Euro២០២០ខាងមុខ បន្ទាប់ពីខ្សែការពាររូបនេះបំពេញតួនាទីបានល្អមែនទែននៅក្នុងជំនួបមិត្តភាពរវាងក្រុមតោកំណាចទល់នឹងក្រុម រ៉ូម៉ានី។

ជាការពិតណាស់ អ្នកចាត់ការលោក GarethSouthgate បានប្រកាសពីសមាសភាពកីឡាករ ២៦នាក់សម្រាប់ក្រុមតោកំណាចកាលពីថ្ងៃទី ១ ខែមិថុនារួចទៅហើយ,ប៉ុន្តែជារឿងអកុសលខ្សែការពារស្លាបស្តាំ Trent Alexander-Arnold បានទទួលរងរបួសនៅក្នុងជំនួបមិត្តភាពមួយទល់នឹងក្រុម អូទ្រីស។

ដូច្នេះហើយទើបក្រុមតោកំណាចសម្រេចជ្រើសរើសយកខ្សែការពាររបស់ក្រុម Brighton រូបនេះមកជំនួសវិញ ណាមួយ White ក៏អាចលេងនៅតំបន់កណ្តាលដើម្បីជំនួសកីឡាករ Harry Maguire បានផងដែរ ប៉ុន្តែយ៉ាងណាមកដល់ពេលនេះអាការៈរបស់ខ្សែការពារក្រុម ManchesterUnited ហាក់មានការវិវឌ្ឍន៍បានល្អប្រសើរខ្លះហើយ។

យោងតាមសេចក្តីថ្លែងការផ្លូវការរបស់ក្រុមអង់គ្លេសបានឱ្យដឹងថា៖

— សេចក្តីថ្លែងការផ្លូវការរបស់ក្រុមអង់គ្លេស

ប្រភព៖​ Goal