ក្រោយយកបាន Depay ឥឡូវ AT Madrid ចង់បានតារាឆ្នើម Barca រូបនេះម្នាក់ទៀត

អេស្ប៉ាញ៖ ក្លិប Atletico Madrid ត្រូវបានគេរាយការណ៍ថា មានបំណងចង់ចុះហត្ថលេខានាំយកខ្សែប្រយុទ្ធក្លិប Barcelona កីឡាករ Ferran Torres មករួមក្រុម មុនបញ្ចប់ទីផ្សារដោះដូរកីឡាករខែមករានេះ។

ជាការពិតណាស់ Torres ហាក់ពុំសូវបានបង្ហាញខ្លួនជាប់លាប់ឡើយនៅលើទីលានក្រោមការដឹកនាំរបស់លោក Xavi ហើយ នេះជាមូលហេតុធំមួយដែលរូបគេមានបំណងចង់ចាកចេញពីក្លិបដើម្បីស្វែងរកក្រុមណាផ្សេងដែលអាចជួយឲ្យគេបង្ហាញខ្លួនបានញឹកញា​ប់។

ក្នុងនោះបើយោងទៅតាមការចុះផ្សាយរបស់ Diario AS បានលើកឡើងថា ក្រុមការងាររបស់ AT Madrid បានធ្វើការទាក់ទងមកកាន់ភ្នាក់ងារ និង Torres រួចរាល់ហើយដើម្បីពិភាក្សាគ្នាពីផែនការរបស់ក្លិប ជាពិសេសការធានានឹងផ្តល់នាទីលេងនៅលើទីលានដល់រូបគេ៕

ប្រភព៖​ sportskeeda