ចង់សារេយកម្ដង១គូហ្មង! AC Milan មិនត្រឹមតែចង់បាន Ziyech ទេ តែក៏សម្លឹងឃើញតារាឆ្នើម Chelsea ម្នាក់នេះដែរ

បរទេស៖ យោងតាមសេចក្ដីរាយការណ៍បានឲ្យដឹងថា ក្លិប AC Milan កំពុងសម្លឹងចង់បានខ្សែប្រយុទ្ធ Armando Broja​ និង Hakim Ziyech នាទីផ្សាដោះដូរខែមករាខាងមុខ។

បើតាមកាសែតអ៊ីតាលី Il Corriere dello Sport ខ្សែប្រយុទ្ធទាំងពីរខាងលើ ស្ថិតក្នុងបញ្ជីគោលដៅដែលនាយកប្រតិបត្តិក្លិប AC Milan លោក Paolo Maldini ចង់បាន។

ប្រភពដដែលបានបន្ថែមទៀតថា លោក ​Maldini មានបំណងចង់បានកិច្ចព្រមព្រៀងខ្វីជើងសម្រាប់កីឡាករទាំងពីរ។ ជាមួយគ្នានេះ ភ្នាក់ងាររបស់ Broja ក៏បានធ្វើមកទីក្រុង Milan កាលពីសប្ដាហ៍មុន ជួបចរចាយ៉ាងស៊ីជម្រៅជាមួយលោក Maldini និង Ricky Massara ផងដែរ៕

ប្រភព៖​ AF