R. Madrid គ្រោងឲ្យ Hazard បូកលុយ៥០លានជាង ដើម្បីយកកីឡាករកំពុងឡើងជើងរបស់​ Chelsea រូបនេះ

អេស្ប៉ាញ៖ ក្លិបអធិរាជស Real Madrid ត្រូវបានគេរាយការណ៍ថាចង់ទិញយក ខ្សែការពារ Reece James ដោយគ្រោងចង់យក Eden Hazard ធ្វើជាផ្នែកមួយនៃសំណើ។

លោក Carlo Ancelotti មានការព្រួយបារម្ភចំពោះតំណែងខ្សែការពារស្លាបស្តាំក្នុងក្រុមព្រោះមានតែ Dani Carvajal ប៉ុណ្ណោះដែលមិនរងរបួស។

សារព័ត៌មាន El Nacional បានបង្ហើបថា Real Madrid មានក្ដីសុបិនចង់បាន James ដែលស៊ុតបញ្ចូលទីបាន៥គ្រាប់និងបញ្ជូនបាល់បាន៦គ្រាប់នៅរដូវកាលនេះមករួមក្រុមប៉ុន្តែពួកគេដឹងថា Chelsea មិនងាយនឹងបើកផ្លូវឲ្យកីឡាករសញ្ជាតិអង់គ្លេសនេះចាកចេញងាយៗទេ ទើបចង់យក Hazard មកប្ដូរអមជាមួយប្រាក់ ៥០លានផោនជាង ។

Eden Hazard ធ្លាប់ជាតារាឆ្នើមរបស់ Chelsea ប៉ុន្តែគេបានផ្ទេរមក Real Madrid កាលពីឆ្នាំ២០១៩ ដោយកីឡាករសញ្ជាតិបែលស៊ិករូបនេះលេងពុំបានល្អដូចការរំពឹងទុកទេទើប Real Madrid លែងមានទំនុកចិត្តលើរូបគេខណៈដែលប្រធានក្លិប Chelsea លោក Roman Abramovich ចង់បាន Hazard មកវិញ។

ប្រភព៖​ thesun