ស្រលាញ់ដល់ថ្នាក់ហ្នឹង! យោងតាមការស្ទង់មតិ បង្ហាញថាអ្នកគាំទ្រភាគច្រើន ចង់ឲ្យកំពូលខ្សែប្រយុទ្ធម្នាក់នេះ ឡើងធ្វើប្រធានាធិបតី

អាហ្សង់ទីន៖ យោងតាមការស្ទង់មតិរៀបចំដោយ Giacobbe & Asociados បានបង្ហាញថា ជនជាតិអាហ្សង់ទីនភាគច្រើន ចង់ឲ្យខ្សែប្រយុទ្ធ Lionel Messi ឡើងធ្វើជាប្រធានាធិបតីរបស់ប្រទេសតែម្ដង។

​មានអ្នកបោះឆ្នោតជាង ៤៣.៧​% ដែលចង់ឲ្យ ម្ចាស់ពាន Ballon d'Or ៧សម័យរូបនេះ ឡើងធ្វើប្រធានាធិបតី ខណៈដែលអ្នកមិនចង់ឲ្យ Messi ធ្វើប្រធានាធិបតីវិញគឺមាន ៣៧.៨% ។

ដោយឡែក១៧.៥% ទៀត គឺពួកគេសុំពិចារណា ឯ ០.៩% ផ្សេងទៀតពុំបានឆ្លើយតប និងមិនទាន់សម្រេចចិត្តបាន។

​មូលហេតុដែលមានការគោរពស្រលាញ់ Messi ខ្លាំងបែបនេះគឺដោយសារ រូបគេទើបតែបានជួយអាហ្សង់ទីន លើកពានបាល់ទាត់ពិភពលោកឆ្នាំ២០២២ នៅឯប្រទេសកាតា ដែលជាពានរង្វាន់បាល់ទាត់ពិភពលោកទី៣ហើយដែល អាហ្សង់ទីន បានឈ្នះ។​

គួរបញ្ជាក់ផងដែរថា អ្នកស្ទង់មតិទាំងអស់នោះក៏គិតដែរថា កីឡាករ Julian Alvarez នឹងក្លាយជាអ្នកស្នងតំណែង  Messi នៅជម្រើសជាតិអាហ្សង់ទីន៕

ប្រភព៖​ sportskeeda