ទីបំផុត! Messi រកគ្រាប់ដំបូងរបស់ខ្លួនឲ្យ PSG បានហើយ ក្នុងជំនួបយកឈ្នះ Man City យប់មិញនេះ (មានវីដេអូ)

UCL៖ ក្រុមយក្សបារាំង PSG បានឡើងទៅគ្រងកំពូលតារាង ពូល A ក្របខណ្ឌ Champions League ជាបណ្ដោះអាសន្ន​ ក្រោយយកឈ្នះ ក្រុមមេឃខៀវ Manchester City នៅទឹកដីរបស់ខ្លួនកាលពីយប់មិញ ដោយលទ្ធផល២ទល់នឹង០។

គ្រាប់បាល់ដំបូងរបស់ PSG កើតឡើងនៅដើមតង់ទី១ នាទីទី៨​ រកបានដោយខ្សែបម្រើសញ្ជាតិសេណាហ្គាល់ GanaGueye ខណៈគ្រាប់ទី២ គឺជាការលេងសង់តង់គ្នាយ៉ាងល្អ រវាង Kylian Mbappe និង LionelMessi នៅនាទីទី៧៤ ហើយនេះ គឺជាគ្រាប់ដំបូងផងដែរ របស់ Messiចាប់តាំងពីផ្លាស់ពីក្លិប Barcelona មកកាន់ទឹកដីបារាំង កាលពីខែសីហា ឆ្នាំ២០២១ កន្លងទៅ។

គួររម្លឹកដែរថា Messi បង្ហាញខ្លួនឲ្យ PSG បាន៤ប្រកួតមកហើយគិតគ្រប់ព្រឹត្តិការណ៍ទាំងអស់ ក្នុងនោះ គេទើបរកបាន១គ្រាប់ ប៉ុណ្ណោះ៕

សូមទស្សនាវីដេអូ Highlights ខាងក្រោម៖