Berbatov ថាជើងខ្លាំងម្នាក់នេះទំនងចែកផ្លូវជាមួយ Man UTD ហើយបើក្រុមអត់កៅអីលេង UCL រដូវកាលក្រោយ

May 2, 2022

អង់គ្លេស៖ លោក Dimitar Berbatov បាននិយាយថាខ្សែប្រយុទ្ធ Cristiano Ronaldo អាចនឹងចែកផ្លូវជាមួយបិសាចក្រហម Manchester United បើសិនក្រុមគ្មានកៅអីលេង Champions League រដូវកាលក្រោយហើយលោកនឹងមិនឃាត់គេឡើយបើសិនគេចង់ចាកចេញមែននោះ។

Ronaldo បានចាកចេញពី Juventus មកកាន់ទឹកដី Old Trafford កាលពីរដូវក្ដៅឆ្នាំមុន ដោយក្នុងនោះគេស៊ុតបញ្ចូលទីបាន២៣គ្រាប់ហើយ ដែលមួយគ្រាប់ចុងក្រោយគឺរកបានទល់នឹង Chelsea ។

តែយ៉ាងណាមិញ ក្រុម Manchester United ហាក់បីដូចជាដុនដាបជាងរដូវកាលមុនទៅទៀត ដោយមកទល់ពេលនេះកំពុងឈរនៅលេខរៀងទី ៦ ក្នុងតារាង Premier League និងកំពុងប្រឈមហានិភ័យបាត់បង់កៅអីលេងនៅ Champions League រដូវកាលក្រោយទៀតផង។

លោក Dimitar Berbatov បានថ្លែងប្រាប់ Betfair ថា៖

Ronaldo ពិតជាធ្វើបានស៊ុតបញ្ចូលទីនិងល្អបានល្អខ្លាំងណាស់ទោះបីអាយុមកដល់ប៉ុណ្ណេះក៏ដោយ។ការដែលបានស៊ុតបញ្ចូលទីនៅ Premier League ច្រើនបែបនេះក្នុង១រដូវកាលគឺជាសមិទ្ធផលដ៏អស្ចារ្យរបស់គេ។ គេកំពុងធ្វើអ្វីដែលគេត្រូវធ្វើ ដែលនោះគឺស៊ុតបញ្ចូលទី។ ការលេងរបស់គេរាងខុសប្លែកពីមុន ប៉ុន្តែរបស់មួយដែលនៅតែរក្សាបានគឺគ្រាប់បាល់។ គេនៅតែស៊ុតបញ្ចូលទីបានដែលនោះគឺពិតជាសំខាន់។ គេនៅសល់កុងត្រា១ឆ្នាំទៀតជាមួយ United ដែលនោះជារឿងល្អក្នុងគំនិតខ្ញុំ តែវាស្រេចទៅលើគេថាតើគេចង់ចាកចេញឬស្នាក់នៅបន្ត។ ខ្ញុំសប្បាយចិត្តបើសិនគេស្នាក់នៅបន្ត តែគ្រប់យ៉ាងគឺស្រេចលើគ្រូបង្វឹកថ្មីហើយតម្រូវការរបស់ Ronaldo ។ ខ្ញុំសប្បាយចិត្តបើសិនគេស្នាក់នៅបន្តនិងបន្តការស៊ុតបញ្ចូលទី ក៏ដូចជាជួយកីឡាករនៅជុំវិញខ្លួនគេ។ បើសិនគេសម្រេចចិត្តចាកចេញ គឺអ្នកមិនអាចបន្ទោសគេបានទេ។ នៅពេលអ្នកទម្លាប់នឹងការលេង Champions League រាល់ឆ្នាំក្នុងអាជីពហើយសុខៗអ្នកមិនបានលេង គឺវាពិតជាពិបាកក្នុងការទទួលយក។
— លោក Dimitar Berbatov

ប្រភព៖ goal

ដៃគូរសហការ One Football

អានបន្ថែម