Kroos ថាកីឡាករ Sergio Ramos គឺជាប្រធានក្រុមល្អបំផុត

បរទេស៖ កីឡាករសញ្ជាតិអាល្លឺម៉ង់ Toni Kroos បានបញ្ជាក់ថា Sergio Ramos គឺជាប្រធានក្រុមល្អបំផុត។ បន្ទាប់ពីស្នាក់នៅជាមួយគ្នានៅឯក្លិបយក្សអេស្ប៉ាញ Real Madrid អស់រយ:ពេល៧ឆ្នាំពួកគេទាំងពីរទទួលបានជោគជ័យខ្លាំងបន្ទាប់ពីឈ្នះពានរង្វាន់ UCL ៣ឆ្នាំជាប់គ្នា (២០១៦-២០១៨) ក្រោមការដឹកនាំរបស់លោក Zidane។

Toni Kroos បាននិយាយនៅក្នុងសន្និសីទសារព័ត៌មានជាមួយក្រុមជម្រើសជាតិអាល្លឺម៉ង់ថា “ខ្ញុំជឿជាក់ថាយើងមិនចាំបាច់និយាយអំពីសារៈសំខាន់របស់ Sergio Ramos សម្រាប់ Real Madrid ទេ”។ ខ្ញុំមិនដឹងថាតើនឹងមានរឿងអ្វីកើតឡើងរវាងគាត់ជាមួយក្លិបនោះទេ។ ប៉ុន្តែកុងត្រារបស់នៅសល់ពេលតែ ២០ ថ្ងៃទៀតប៉ុណ្ណោះ ខ្ញុំសង្ឃឹមថាគាត់នឹងបន្តជាមួយយើងបន្តទៀតព្រោះគាត់ជាប្រធានដ៍ល្អម្នាក់៕

ប្រភព៖​ Marca