អីយ៉ាស់! Man City កំពុងដេញតាមយក តារាឆ្នើមជម្រើសជាតិអាហ្សង់ទីនម្នាក់នេះ

អង់គ្លេស៖ ក្លិប Manchester City ត្រូវបានសារព័ត៌មាន Fichajes ចុះផ្សាយថា កំពុងតាមទិញយកខ្សែបម្រើ Enzo Fernandez ពីក្លិប Benfica ។

​Enzo បានក្លាយជាតារាឆ្នើមមួយដ៏លេចធ្លោនៅព្រឹត្តិការណ៍បាល់ទាត់ពិភពលោកឆ្នាំ២០២២ ដោយមិនត្រឹមតែជួយក្រុមជម្រើសជាតិអាហ្សង់ទីនឲ្យលើកពានប៉ុណ្ណោះទេ តែក៏បានឈ្នះពានកីឡាករវ័យក្មេងឆ្នើមបំផុតប្រចាំព្រឹត្តិការណ៍នេះផងដែរ។​

យ៉ាងណាមិញ Enzo Fernandez ប៊ិះតែនឹងផ្ទេរទៅ Chelsea ទៅហើយតែការចរចាបានបរាជ័យទៅវិញទើបភាគីលោក Pep Guardiola ​ចូលខ្លួនតាមយកគេវិញម្ដង។

​Man City ចង់បាន Enzo មកជំនួសប្រធានក្រុម Ilkay Gundogan ដែលមានវ័យកាន់តែចាស់ទៅហើយខណៈដែល អនាគតរបស់ Bernado Silva ក៏ស្រពេចស្រពិលដែរ៕

ប្រភព៖​ caughtoffside