គ្រាប់ទី ៣ កាប់ជើងឆ្វេងមួយឆ្ងាញ់! យប់មិញ Bale ស៊ុតបីគ្រាប់ម្នាក់ឯង​ យកជ័យជម្នះឱ្យ វែលស៍ (មានវីដេអូ)

បរទេស៖ កាលពីរាត្រីថ្ងៃ អាទិត្យ កន្លងទៅ ត្រូវនឹងថ្ងៃទី ០៥ ខែ កញ្ញា ឆ្នាំ២០២១ ក្រុមជម្រើសជាតិ បេឡារុស្ស បានបើកទ្វាកីឡដ្ឋាន Central’nyj StadionKazan របស់ខ្លួនទទួលស្វាគមន៍ក្រុមភ្ញៀវជម្រើសជាតិ វែលស៍ នៅក្នុងការប្រកួតជម្រុះព្រឹត្តិការណ៍ World Cup ដើម្បីដណ្តើមកៅអីឡើងទៅជុំផ្តាច់ព្រ័ត្រ ដែលនឹងធ្វើឡើងនៅប្រទេស កាតាឆ្នាំ ២០២២។

ជាការពិតណាស់ នៅក្នុងការប្រកួតនោះក្រុមទាំងពីរពិតជាវាយសម្រុកគ្នាស្វិតស្វាញមែនទែនប៉ុន្តែយ៉ាងណាខាងក្រុមភ្ញៀវ វែលន៍ ហាក់ធ្វើបានល្អជាងដោយបញ្ចប់ការប្រកួតក្រុមដែលមានរហស្សនាមថា នាគភ្លើង បានទទួលជ័យជម្នះទាំងប្រផិតប្រផើយទៅលើក្រុមម្ចាស់ផ្ទះបេឡារុស្ស ក្នុងលទ្ធផល ៣ ទល់នឹង ២។

នៅក្នុងជំនួបនេះ យើងឃើញថាខ្សែប្រយុទ្ធស្លាបGareth Bale ពិតជាបង្ហាញទម្រង់លេងល្អមែនទែនដោយរូបគេរកបាន ៣ គ្រាប់ (hat-trick) ម្នាក់ឯងក្នុងមួយប្រកួត ពោលគេស៊ុតបញ្ចូលទីនៅនាទីទី ៥ និង ៦៩តាមរយៈការស៊ុតបាល់ពិន័យ ១១ ម៉ែត្រ ហើយគ្រាប់ចង់ក្រោយរូបគេរកបាននៅនាទីទី ៩០+៣។ ចំណែកឯ ២ គ្រាប់របស់ក្រុមម្ចាស់ផ្ទះវិញ គឺរកបានដោយ VitaliLisakovich នៅនាទីទី ២៩ តាមរយៈបាល់ពិន័យ ១១ ម៉ែត្រនិងមួយគ្រាប់ទៀត រកបានដោយ Pavel Sedko នៅនាទីទី ៣០៕

សូមទស្សនាវីដេអូខាងក្រោម៖