Neville ទស្សន៍ទាយថា Ronaldo នឹងបញ្ចប់អាជីពនៅក្លិបមួយនេះ

January 3, 2023

អង់គ្លេស៖ លោក Gary Neville បានទស្សន៍ទាយថា Cristiano Ronaldo នឹងបញ្ចប់អាជីពជាកីឡាករបាល់ទាត់របស់គេនៅក្លិប Al-Nassr នៅឯលីគកំពូលប្រទេសអារ៉ាប់ប៊ីសាអូឌីត។

កាលពីយប់ថ្ងៃទី៣០ខែធ្នូឆ្នាំ២០២២កន្លងទៅ Ronaldo បានប្រកាសចុះកុងត្រា២ឆ្នាំកន្លះជាមួយក្លិប Al-Nassr ដោយទទួលបានប្រាក់ឈ្នួលសរុបជាង ២០០លានដុល្លារ ក្នុងមួយរដូវកាល។

ដោយឡែក មុនពេលសម្រេចចុះកុងត្រាជាមួយ Al-Nassr គឺ Ronaldo បានរង់ចាំសំណើពីក្លិបផ្សេងៗនៅអឺរ៉ុប ប៉ុន្តែពុំមានក្លិបណាដាក់សំណើមកកាន់គេទេ ដោយសារតែកត្តាអាយុដោយក្នុងឆ្នាំនេះរូបគេមានអាយុ៣៧ឆ្នាំទៅហើយ។

Neville វិញគិតថា Ronaldo នឹងបញ្ចប់អាជីពនៅ Al-Nassr តែម្ដង៖

ខ្ញុំមានអារម្មណ៍ថាគេចង់ស្នាក់នៅអឺរ៉ុបបន្ត មើលទៅដូចជាសំណើនោះរាងក្រាស់ក្រែលដែរ ហើយណាមួយក្លិបផ្សេងៗមិនបានដាក់សំណើយកគេ។ ខ្ញុំដូចជាក្រៀមក្រំដែរ ដែលបានឃើញ Ronaldo លេងជាលើកចុងក្រោយនៅកម្រិតកំពូល គឺវាបានបញ្ចប់នៅ Old Trafford នេះឯង។ មើលទៅ Cristiano នឹងបញ្ចប់អាជីពរបស់គេនៅប្រទេសអារ៉ាប់ប៊ីសាអូឌីត។
— លោក Gary Neville

ប្រភព៖ sportskeeda

ដៃគូរសហការ One Football

អានបន្ថែម