ស្ថាប័ន IFFHS បានប្រកាសថាម្នាក់នេះជាប់ជា កីឡាករល្អបំផុតប្រចាំឆ្នាំ២០២២

អឺរ៉ុប៖ សហព័ន្ធអន្តរជាតិផ្នែកប្រវិត្តិនិងស្ថិតិបាល់ទាត់ ហៅកាត់ថា IFFHS បានប្រកាសថា ខ្សែប្រយុទ្ធ Lionel Messi ជាប់ជាកីឡាករល្អបំផុត ប្រចាំឆ្នាំ២០២២។

​Messi បានជួយក្រុមជម្រើសជាតិអាហ្សង់ទីន ឲ្យឈ្នះពានបាល់ទាត់ពិភពលោកឆ្នាំ២០២២ បន្ទាប់ពីយកឈ្នះបារាំង នៅវគ្គផ្ដាច់ព្រ័ត្រ ដោយសរុបមករូបគេរកបាន ៧គ្រាប់នៅព្រឹត្តិការណ៍នេះ ព្រ​មទាំងឈ្នះពានបាល់មាស ប្រចាំការប្រកួតបាល់ទាត់ពិភពលោកផងដែរ។​

យោងតាម IFFHS គឺ Messi ទទួលបានដល់ទៅ ២៧៥ពិន្ទុ ខណៈលេខ២បានទៅលើ Kylian Mbappe ដែលទទួលបាន ៣៥ពិន្ទុ។ ចំណែកលេខ៣វិញ បានទៅលើ Karim Benzema ដែលជាម្ចាស់ពាន Ballon d'Or ឆ្នាំ២០២២ ទទួលបាន៣០ពិន្ទុ។

​លេខ៤បានទៅលើ Luka Modric ទទួលបាន១៥ពិន្ទុ ហើយលេខ៥គឺ ខ្សែប្រយុទ្ធ Erling Haaland បាន៥ពិន្ទុ។​

គួរបញ្ជាក់ផងដែរថា បើគិតពីការលេងនៅ Paris Saint-Germain វិញគឺ Lionel Messi រកបាន១២គ្រាប់ និងបញ្ជូនបាល់១៤គ្រាប់ ក្នុងការបង្ហាញខ្លួន១៩ប្រកួត​នៅរដូវកាលនេះ៕

ប្រភព៖​ sportskeeda