បន្ត ឬ ចាកចេញ? Messi បានសម្រេចចិត្តបែបនេះចំពោះអនាគតខ្លួននៅ PSG ក្រោយចប់ WC

បារាំង៖ ខ្សែប្រយុទ្ធក្លិប Paris Saint Germain កីឡាករ Lionel Messi ត្រូវបានគេរាយការណ៍បានសម្រេចចិត្តពីអនាគតរបស់ខ្លួនជាមួយក្រុមអ្នកមានបារាំងខាងលើរួចរាល់ហើយ។

ជាការពិតណាស់ Messi ដែលបានចូលរួមជាមួយ PSG កាលពីរដូវកាលមុន ដោយគ្មានតម្លៃខ្លួន នៅសេសល់កិច្ចសន្យាជាមួយក្លិបតែ 6ខែ ទៀតប៉ុណ្ណោះ ខណៈ រូបគេធ្លាប់បានប្រាប់ឲ្យអ្នកកាសែតនឹងថា អនាគតរបស់គេនឹងបញ្ជាក់ក្រោយចប់ព្រឹត្តិការណ៍ World Cup។

នៅពេលនេះក្រោយចប់ព្រឹត្តិការណ៍ World Cup របាយការណ៍ជាច្រើនបានចុះផ្សាយថា Messi នឹងបន្តកិច្ចសន្យាជាមួយ PSG មួយឆ្នាំទៀត មានន័យថា គេនឹងបន្តលេងនៅកីឡដ្ឋាន Parc de Princes រហូតដល់បញ្ចប់រដូវកាល ២០២៣/២០២៤ ខណៈ កុងត្រាថ្មីនឹងប្រកាសឡើងនៅក្នុងពេលឆាប់ៗខាងមុខនេះ៕

ប្រភព៖​ metro