មកដឹងពីខ្លឹមសារសង្ខេបនៃសន្និសីទជិត៤០នាទីរបស់លោក Carlo Ancelotti

បរទេស៖ លោក Carlo Ancelotti បាននិយាយថា អរគុណដល់ Perez, José Angel និងក្រុមប្រឹក្សាភិបាលរបស់ក្លិប ដែលផ្ដល់ឱកាសឱ្យគាត់ត្រឡប់មកទីនេះម្ដងទៀត។ យើងនឹងរៀបចំប្រព័ន្ធលេងតាមប្រពៃណីរបស់ក្លិបគឺប្រព័ន្ធប្រយុទ្ធ ដែលគួរឱ្យចង់មើល និងប្រកបដោយភាពតានតឹង ទៅតាមការចង់បានរបស់អ្នកគាំទ្រ។ ការពិភាក្សារឿងដោះដូរកីឡាករ និងការរៀបចំផែនការនឹងធ្វើឡើងនៅសប្ដាហ៍ក្រោយ។

កីឡាករ Gareth Bale នឹងត្រឡប់មកវិញ ចំណែកឯ Hazard គឺជាកំពូលកីឡាករម្នាក់សម្រាប់រដូវកាលក្រោយ អាចជារដូវកាលដែលល្អបំផុតរបស់គេ។ ចំពោះ Bale, Marcelo, Isco នឹងបង្ហាញថាពួកគេនៅតែមានសមត្ថភាពអាចលេងឱ្យ Real Madrid បាន ហើយ Benzema គួរតែស៊ុតឱ្យបាន៥០ក្នុង១រដូវកាល មិនមែន ៣០គ្រាប់ទេ និង Vinicius ក៏ត្រូវរកគ្រាប់បាល់បន្ថែមដែរ។

ដើម្បីរកគ្រាប់បាល់ឱ្យបានច្រើន ពួកយើងមិនគ្រាន់តែទិញខ្សែប្រយុទ្ធដែលអាចរកគ្រាប់បាល់បាន៣០គ្រាប់ក្នុង១រដូវកាលទេ ប៉ុន្តែត្រូវរៀបចំប្រព័ន្ធប្រយុទ្ធ (Offensive System) ហើយរដូវកាលមុន គ្មាន Bale, Odegarrd និង Ceballos តែ Real Madrid ឡើងដល់វគ្គពាក់កណ្ដាលផ្ដាច់ព្រ័ត្រ UCL ដូច្នេះក្រុមបច្ចុប្បន្នជាមួយនឹងការត្រឡប់មកវិញរបស់ពួកគេ គឺគ្រប់គ្រាន់ហើយសម្រាប់ការប្រជែងពាន ហើយគោលដៅសម្រាប់រដូវកាលថ្មី គឺពានទាំង៣ធំៗដូចជា៖ UCL, LaLiga និង Copa del Rey ៕

ប្រភព៖​ Cambodian Real Madrid Fan