ដាក់ចំៗ! Neville ផ្ដាំទៅតារាជួរមុខរបស់ Man UTD រូបនេះថាកុំឲ្យលេងចរិតពេក

December 28, 2021

អង់គ្លេស៖ លោក Gary Neville បានរិះគន់ខ្សែប្រយុទ្ធ Cristiano Ronaldo ដែលរូបគេបានបង្ហាញកាយវិការមួម៉ៅនិងដើរចូលទៅខាងក្នុងបន្ទប់ផ្លាស់សំលៀកបំពាក់វិញក្រោយចប់ការប្រកួតទល់នឹង Newcastle ដោយពុំបាននៅទះដៃជាមួយមិត្តរួមក្រុមឡើយ។

កាលពីយប់ថ្ងៃទី២៨ខែធ្នូកន្លងទៅនេះ Manchester United បានប្រកួតបានត្រឹមស្មើ១ ទល់នឹង១ ជាមួយក្លិប Newcastle ដោយ Edinson Cavani រកបាន១គ្រាប់នៅនាទីទី៧១ តាមស្មើ គ្រាប់បាល់ដែល Allan Saint-Maximin រកបាននៅនាទីទី៧។

យ៉ាងណាមិញ ក្រោយចប់ការប្រកួត គេសង្កេតឃើញថា Ronaldo មិនបានពេញចិត្តនឹងទម្រង់លេងនិងលទ្ធផលការប្រកួតថ្ងៃនេះទេដោយគេបានចាកចេញមុនអ្នកដទៃដោយមិននៅអរគុណអ្នកគាំទ្រក្នុងកីឡដ្ឋានឡើយ។

ខ្សែប្រយុទ្ធ Cristiano Ronaldo ដើរចេញពីទីលាន

ឃើញដូច្នេះ លោក Gary Neville បានរិះគន់ Ronaldo ថា៖

ខ្ញុំគិតថានៅពេលអ្នកនិយាយពីកាយវិការរបស់កីឡាករ គឺខ្ញុំក៏ធ្លាប់និយាយម្ដងរួចមកហើយកាលប្រកួតជាមួយ Everton គឺពេល Cristiano បានដើរចេញមុនគេហើយខ្ញុំគិតថាគេបានដាក់សំពាធទៅលើលោក Ole Gunnar Solskjaer ប៉ុន្តែយប់នេះគេរត់ចោលគ្នីគ្នាទៀតហើយ។ គេបានរត់ចោលក្រុមក្នុងការប្រកួតជាមួយ Watford នៅពេលអ្នកចាត់ការរៀបនឹងត្រូវគេបញ្ចប់តំណែង ហើយក្នុងការប្រកួតទល់នឹង Norwich ដែរ។ ខ្ញុំគិតថា Bruno ក៏ត្អូញត្អែរអ៊ីចឹងដែរ។ ពួកគេគឺជាកីឡាកររៀមច្បងនៅក្នុងក្រុម វាពិតជាគួរឲ្យខកចិត្តខ្លាំងណាស់សម្រាប់កីឡាករក្មេងៗ បើសិនកីឡាករល្អទាំងពីរនាក់មើលមកពួកគេដូចពួកគេលេងមិនបានល្អគ្រប់គ្រាន់។ ខ្ញុំគិតថា Cavani គឺមិនសម្របតាម Ronaldo ឬ Fernandes ទេគឺខ្ញុំគិតថាគេបានជួយកីឡាករក្មេងៗហើយខ្ញុំគិតថាគេគួរតែបានលេងនៅលើទីលាន។ ពួកគេត្រូវតែលុបបំបាត់ចរិតពូកែត្អូញត្អែរ។ អ្នកត្រូវតែទះដៃដាក់អ្នកគាំទ្រពេលចប់ការប្រកួត។ ខ្ញុំមិនខ្វល់ទេថាអ្នកលេងរបៀបណា លទ្ធផលបែបណា។ អ្នកត្រូវដើរទៅរកអ្នកគាំទ្រនិងទះដៃ ព្រមទាំងដើរចូលទៅវិញទន្ទឹមនឹងមិត្តរួមក្រុមទាំងអស់គ្នា។
— លោក Gary Neville

ប្រភព៖ metro

ដៃគូរសហការ One Football

អានបន្ថែម