អុញនោះ! កីឡាករឆ្នើម Man UTD រូបនេះ ចង់ឲ្យ Real Madrid ទិញយករូបគេមករួមក្រុម

អឺរ៉ុប៖ ខ្សែការពារក្លិប Manchester United កីឡាករ Raphael Varane ត្រូវបានគេរាយការណ៍ថា បានស្នើឲ្យទៅកាន់លោក Florentino Perez ដើម្បីទិញយករូបគេមកកាន់ Real Madrid វិញកាលពីរដូវកាលមុន។

ជាការពិតណាស់ Varane បានចាកចេញពី Real Madrid មកកាន់កីឡដ្ឋាន Old Trafford កាលពីឆ្នាំ២០២១ ប៉ុន្តែ ការមកដល់ទឹកដីអង់គ្លេស គឺ រូបគេហាក់មិនទាន់ទទួលបានជោគជ័យដូចកាលពីគេប្រកបអាជីពនៅទឹកដីអេស្ប៉ាញទាល់តែសោះ។

ក្នុងនោះបើយោងទៅតាមរបាយការណ៍មួយចំនួនបានលើកឡើងថា Varane ព្យាយាមចង់ត្រឡប់ទៅ Real Madrid វិញកាលពីរដូវកាលមុន ដោយគេបានទាក់ទងមកកាន់លោក Perez ផ្ទាល់តែម្តង ប៉ុន្តែ មិនទទួលបានដូចក្តីបំណងឡើយ៕

ប្រភព៖​ Sportskeeda