លេងមែនទែន! Man UTD គ្រោងជះលុយ ១០៦លាន ទិញតារាឆ្នើមអាហ្សង់ទីនរូបនេះ

បរទេស៖ ក្លិប Manchester United ត្រូវបានគេរាយការណ៍ថា បានប្រជែងយកឈ្នះ Liverpool ដើម្បីចុះហត្ថលេខានាំយកកីឡាករ Enzo Fernandes មករួមក្រុមក្នុងតម្លៃ ១០៦លានផោន (ឬប្រមាណ ១២៨លានដុល្លារ)។

ជាការពិតណាស់ Enzo ត្រូវបានមើលឃើញថា ជា ខ្សែបម្រើដ៏លេចធ្លោម្នាក់នៅក្នុងព្រឹត្តិការណ៍ World Cup ដោយ គេបានរួមចំណែកជួយ ក្រុមជម្រើសជាតិអាហ្សង់ទីន ក្លាយជាម្ចាស់ជើងឯក ព្រមទាំង គេបានជាប់ឈ្មោះជាកីឡាករវ័យក្មេងល្អជាងគេប្រចាំព្រឹត្តិការណ៍ផងដែរ។

ក្រោយចប់ព្រឹត្តិការណ៍ World Cup កីឡាករវ័យ ២១ឆ្នាំ របស់ Benfica ខាងលើ ក៏ត្រូវបានក្លិបធំៗ៣ចាប់អារម្មណ៍រួមមាន Man UTD, Liverpool និង Real Madrid ចាប់អារម្មណ៍ ខណៈ Liverpool ត្រូវបានគេដឹងថា​ ជា ក្រុមឈានមុខគេ ប៉ុន្តែ នៅពេលនេះក្រុមបិសាចក្រហមទៅវិញទេដែលកំពុងនាំមុខគេ ជាមួយនឹងកញ្ចប់ទឹកប្រាក់ពួកគេបានរៀបចំរួចជាស្រេចដល់ទៅ ១០៦លានផោន ដែលជាតម្លៃផ្តាច់កុងត្រារបស់គេ៕

ប្រភព៖​ metro