ខ្លាចយកមកលេងអត់កើត! Ferdinand ណែនាំឲ្យ Man UTD គិតសាជាថ្មីពីការទិញយកកីឡាករម្នាក់នេះ

July 8, 2022

អង់គ្លេស៖ លោក Rio Ferdinand ប្រាប់ទៅ Manchester United ឲ្យគិតគូសាជាថ្មីមុនសម្រេចចិត្តទិញយក ខ្សែការពារ Lisandro Martinez ក្រោយឮថាលោក Erik Ten Hag ចង់ទិញយកគេមកទឹកដី Old Trafford ។

Martinez គឺជាខ្សែការពារឆ្នើមមួយរូបរបស់ Ajax ដែលថ្មីៗនេះរូបគេចង់ចែកផ្លូវជាមួយក្លិបយក្សនៅហូឡង់មួយនេះហើយនិងចង់ផ្ទេរមក Premier League ខណៈដែល Arsenal និង Manchester United សុទ្ធតែកំពុងដាក់សំណើចែចូវយកគេទាំងអស់។

យ៉ាងណាមិញ Ferdinand គិតថា Martinez មានកាយសម្បទាតូចពេកគឺកម្ពស់តែ ១.៧៥ សង់ទីម៉ែត្រប៉ុណ្ណោះ ដែលតូចជាងខ្សែការពារផ្សេងៗនៅអង់គ្លេសដូចជា Virgil van Dijk និង Raphael Varane ជាដើម។

Ferdinand បាននិយាយថា៖

Martinez ប្រើជើងឆ្វេងគឺពិតជាល្អណាស់ក្នុងការគ្រប់គ្រងបាល់និងចេះរួមចំណែកក្នុងការលេងផងដែរ។ តែនៅមានសំណួរទាក់ទងនឹងរូបគេដូចជាតើគេមានល្បឿនលឿនគ្រប់គ្រាន់ឬនៅ? តើគេមាឌធំសមរម្យឬនៅ? តើគេអាចមានសមត្ថភាពគ្រប់គ្រងការប្រកួតក្នុងលីគដែលទាមទារឲ្យមានកាយសម្បទារឹងមាំដែរទេ? អ្នកត្រូវតែត្រៀមខ្លួនប្រើកាយសម្បទានៅលើទីលានពេលទប់ទល់នឹងខ្សែប្រយុទ្ធមាឌធំៗ។ Nunez និង Haaland ទើបតែបានផ្លាស់មកក្រុមធំៗគឺ Liverpool និង Man City ។ ពួកគេគឺមានកម្ពស់ជាង៦ហ្វូត គេ(Martinez)ត្រូវតែទប់ទល់នឹងពួកគេជារៀងរាល់ថ្ងៃ។ Chris Wood នៅ Newcastle ជាដើមគឺសុទ្ធតែមាឌធំៗ។ គេដូចជារាងតូចបន្តិចសម្រាប់ខ្សែការពារ។
— លោក Rio Ferdinand

ប្រភព៖ metro

ដៃគូរសហការ One Football

អានបន្ថែម