ម្នាក់ហ្នឹងល្អណាស់! Man UTD ចង់បាន តារាឆ្នើម Inter Milan រូបនេះមករួមក្រុមសម្រាប់រដូវកាលក្រោយ

អឺរ៉ុប៖ ក្លិប Manchester United ត្រូវបានគេរាយការណ៍ថា កំពុងតែមានចំណាប់អារម្មណ៍ចង់នាំយកខ្សែការពារ Inter Milan កីឡាករ Stefan de Vrij ដោយគ្មានតម្លៃខ្លួននៅពេលដែលកិច្ចសន្យារបស់គេផុតកំណត់ក្រោយចប់រដូវកាលនេះ។

ជាការពិតណាស់ De Vrij នឹងក្លាយទៅជាកីឡាករដែលគ្មានតម្លៃខ្លួនប្រសិនបើកុងត្រារបស់គេជាមួយ Inter Milan ពុំបានធ្វើឡើងក្រោយចប់រដូវកាលនេះ ប៉ុន្តែ​ បច្ចុប្បន្នរូបគេ គឺ ជាកម្លាំងស្នូលដែលមិនអាចខ្វះបាននៅក្នុងតំបន់ការពាររបស់ក្រុម។

ក្នុងនោះបើយោងទៅតាមការចុះផ្សាយរបស់ Calciomercato បានលើកឡើងថា Man UTD កំពុងតែចង់បាន De Vrij មករួមក្រុមខ្លាំងមែនទែន ក្នុងមូលហេតុលោក Erik ten Hag ចង់ពង្រឹងតំបន់ការពាររបស់ក្រុមឲ្យកាន់តែរឹងមាំ ប៉ុន្តែ ពួកគេក៏ត្រូវតែប្រជែងជាមួយនឹង Tottenham ផងដែរដែលចាប់អារម្មណ៍ចង់បានខ្សែការពារសញ្ជាតិហូល្លង់ខាងលើដូចគ្នា៕

ប្រភព៖​ sportskeeda