<p><b>អឺរ៉ុប៖</b> លោក <b>Frank Leboeuf</b> បានទូន្មានទៅដល់<b> Kylian Mbappe</b> ថា ឲ្យគេសម្រេចចិត្តឲ្យច្បាស់សិនមុននឹងចង់ផ្លាស់ទៅ<b> Real Madrid</b> ប្រសិនជាគេចង់ឈ្នះពាន <b>Champion League</b>។</p><figure style="text-align:center"><img src="https://cms.dmpcdn.com/article/2021/01/08/b2f57050-515d-11eb-89e4-35f1a97d3869_original.png" alt="លោក Frank Leboeuf" style="width:100%"/><figcaption>លោក Frank Leboeuf</figcaption></figure><p>ជាការពិតណាស់ Mbappe កំពុងតែត្រូវក្លិប Real Madrid តាមប្រមាញ់យកយ៉ាងស្អិតរមួត កាលពីទីផ្សាដោះដូរកីឡាកររដូវក្តៅកន្លងទៅនេះ ដោយ Real Madrid ហ៊ានឲ្យតម្លៃខ្លួន Mbappe រហូតដល់ខ្ទង់២០០លានផោន។ ទោះយ៉ាងកិច្ចព្រមព្រៀងនេះមិនទាន់សម្រេចនៅឡើយទេ ដោយក្លិប Paris Saint Germain ចង់រក្សារូបគេឲ្យនៅក្លិបដដែល។</p><figure style="text-align:center"><img src="https://cms.dmpcdn.com/article/2021/09/16/b8f74130-16bb-11ec-aab7-0dad245bba08_original.png" alt="កីឡាករ Kylian Mbappe" style="width:100%"/><figcaption>កីឡាករ Kylian Mbappe</figcaption></figure><p>លោក Leboeuf បាននិយាយថា៖</p><blockquote><aside>ខ្ញុំបានជួប Mbappe កាលពី២ខែមុនពេលដែលក្លិបធ្វើការប្រកាសការមកដល់របស់ Lionel Messi ហើយខ្ញុំប្រាប់គេថា ឲ្យគេធ្វើអ្វីដែលខ្លួនឯងគិតថាល្អទៅ ប៉ុន្តែប្រសិនជាគេចង់ជោគជ័យក្នុងការជែងយកពានធំៗ ខ្ញុំឲ្យគេគិតវិញថា ក្លិបណាដែលមានសមាសភាពក្នុងការយកឈ្នះពានធំៗក្នុងពេលបច្ចុប្បន្ននេះបាន ដូចជាក្លិប Manchester City, Liverpool, Bayern Munich, Chelsea, និង​ PSG ជាដើម។ ព្រោះតាមគំនិតខ្ញុំ ខ្ញុំគិតថា Real Madrid គ្មានឱកាសក្នុងការយកឈ្នះពាន Champion League បានទេមិនថារដូវកាលនេះ ឬ រដូវក្រោយ៕</aside><label>— <i>Frank Leboeuf</i></label></blockquote><p><b>ប្រភព៖​</b> <a href="https://www.sportskeeda.com/football/news-they-real-madrid-knew-leboeuf-says-kylian-mbappe-bigger-chance-winning-ucl-psg?ref=homepage">Sportskeeda</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

មានរឿងអ្វី? លោក Leboeuf បានទូន្មានកីឡាកររូបនេះថាឲ្យគិតឲ្យច្បាស់សិន មុននឹងចង់ចូលរួមជាមួយ Real Madrid