<p><b>បរទេស៖</b> ក្លិបបិសាចក្រហម ManchesterUnited ត្រូវបានគេរាយការណ៍មកថា បានដាក់សំណើ៤២លានផោន (៥២លានដុល្លារ) បូកថែមជាមួយនឹងកីឡាករ <b>Anthony Martial</b> ទៅកាន់ក្លិប Inter Milan ដើម្បីផ្ទេរយកខ្សែប្រយុទ្ធ<b> Lautaro Martinez</b> ។</p><figure style="text-align:center"><img src="https://cms.dmpcdn.com/article/2022/05/02/ba16d130-c9d4-11ec-916a-9b8a82e93dd7_original.png" alt="" style="width:100%"/></figure><p>បើទោះបីជា ខ្សែប្រយុទ្ធ CristianoRonaldo ត្រូវបានរំពឹងថា នឹងបន្តស្នាក់នៅទឹកដី OldTrafford នៅរដូវកាលក្រោយទៀតក្ដី ប៉ុន្តែ Man UTD នៅតែត្រូវការខ្សែប្រយុទ្ធបន្ថែម ក៏ព្រោះថា ក្លិបយក្សអង់គ្លេសមួយនេះកំពុងខិតជិតនឹងបាត់បង់ខ្សែប្រយុទ្ធចាស់វស្សា Edinson Cavani ដែលជិតផុតកុងត្រា និងគ្រោង ផ្លាស់ទៅលេងនៅទឹកដីឡាទីនវិញរួមរស់ជាមួយក្រុម Boca Juniors។ ខណៈដែលខ្សែប្រយុទ្ធវ័យក្មេង Marcus Rashford ដែលធ្លាក់ទម្រង់លេងក្រោមការដឹកនាំរបស់លោក RalfRangnick នោះ ក៏មានដំណឹងលេចឮថាអាចនឹងចាកចេញនៅរដូវក្ដៅខាមុខ។បន្ថែមពីនេះ ខ្សែប្រយុទ្ធ​ Mason Greenwood ដែលមានរឿងរកាំរកូសជាមួយនឹងមិត្តស្រីនោះក៏ត្រូវបានក្លិបព្យួរឈ្មោះជាបណ្ដោះអាសន្នទៀត ។</p><figure style="text-align:center"><img src="https://cms.dmpcdn.com/article/2022/01/20/9f6d2480-79be-11ec-bbe5-6188a7aebab4_original.png" alt="" style="width:100%"/></figure><p>ទោះជាយ៉ាងណាក៏ដោយ នៅរដូវក្ដៅក្រោយខ្សែប្រយុទ្ធ Anthony Martial នឹងត្រឡប់មក Man UTD វិញ​ បន្ទាប់ពីបញ្ចប់កិច្ចសន្យាខ្ចីជើងជាមួយក្លិប Sevilla ប៉ុន្តែ ក្រុមបិសាចក្រហម មិនត្រូវការខ្សែប្រយុទ្ធសញ្ជាតិបារាំងរូបនេះនោះទេដោយកាលពីពេលថ្មីៗ មានរបាយការណ៍ ថា Man UTD គ្រោងនឹងចំណាយ១២លានផោនដើម្បីឲ្យ Martial ចាកចេញទៀតផង។</p><figure style="text-align:center"><img src="https://cms.dmpcdn.com/article/2022/05/02/bb8f8e80-c9d4-11ec-916a-9b8a82e93dd7_original.png" alt="" style="width:100%"/></figure><p>យ៉ាងណាមិញ បើយោងតាមការចុះផ្សាយរបស់ អ្នកកាសែតសញ្ជាតិអ៊ីតាលីលោកBarzaghiបានឲ្យដឹងថា Man UTD ឥលូវ អាចនឹងប្រើប្រាស់ Martial ជាថ្នូរដោះដូរយក Martinez ពី Inter Milan អមជាមួយការបន្ថែមថវិការចំនួន៤២លានផោន។</p><p>គួររម្លឹកដែរថា Martinez ជាខ្សែប្រយុទ្ធដ៏លេចធ្លោម្នាក់របស់ ​Inter ដោយរូបគេ បានផ្លាស់មកចូលរួមជាមួយក្លិបយក្សអ៊ីតាលីមួយនេះ តាំងពីឆ្នាំ ២០១៨ដោយគិតមកទល់ពេលនេះ គេបង្ហាញខ្លួនបាន១៧៧ប្រកួត ស៊ុតបញ្ចូលទី៧០គ្រាប់ខណៈកាលពីរដួវកាលមុន រូបគេ ក៏ជាគោលដៅនាំចូលដ៏ចំបងរបស់ក្លិបអ្នកមានបុណ្យ Barcelona ផងដែរ៕</p><figure style="text-align:center"><img src="https://cms.dmpcdn.com/article/2022/05/02/bd29dd90-c9d4-11ec-916a-9b8a82e93dd7_original.png" alt="" style="width:100%"/></figure><p><b>ប្រភព៖​</b> <a href="https://www.sportsmole.co.uk/football/man-utd/transfer-talk/news/man-united-offer-inter-gbp42m-plus-martial-for-martinez_484782.html">sportsmole</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

Man UTD បោះលុយ៤២លាន អមជាមួយ Martial ជាសំណើ ដើម្បីផ្ទេរយកកីឡាករលំដាប់ A នៅលីគអ៊ីតាលីម្នាក់នេះ