មានរឿងអ្វី? Ronaldo គិតគូចេញពីក្លិប Man UTD វិញដោយសារបញ្ហាមួយនេះ

អង់គ្លេស៖ ខ្សែប្រយុទ្ធ Cristiano Ronaldo ត្រូវបានគេរាយការណ៍កំពុងគិតគូចង់ចាកចេញពីក្លិប Manchester United ដោយសារខ្លួនមានអារម្មណ៍ថាលោក Erik Ten Hag ជាគ្រូបង្វឹកថ្មីទំនងជាមិនរាប់បញ្ចូលគេក្នុងគម្រោងរបស់លោក។

Ten Hag ដែលជាអតីតគ្រូរបស់ Ajax បានផ្លាស់មកដឹកនាំនៅទឹកដី Old Trafford ចាប់ពីរដូវកាលក្រោយនេះហើយខណៈនោះដែរ Ronaldo ក៏នៅសល់កុងត្រាស្នាក់នៅ Man United មួយឆ្នាំទៀតនិងត្រូវគេរំពឹងទុកថា កីឡាករសញ្ជាតិព័រទុយកាល់រូបនេះនឹងបន្តស្នាក់នៅក្លិប។

ឥលូវនេះ La Repubblica បានផ្សាយថា Ronaldo មានអារម្មណ៍ថាលោក Ten Hag មិនសូវជាចង់រាប់បញ្ចូលគេទៅក្នុងផែនការដឹកនាំរបស់លោកស្របពេលលេចឮថាភ្នាក់ងាររបស់គេគឺ លោក Jorge Mendes កំពុងស្វែងរកការចរចាជាមួយក្លិបថ្មីដូចជា AS Roma និង Sporting Lisbon ជាដើម។

គួរបញ្ជាក់ផងដែរថា ខ្សែប្រយុទ្ធ Cristiano Ronaldo រកបាន២៤គ្រាប់ក្នុងការបង្ហាញខ្លួន ៣៩ប្រកួតនៅរដូវកាលមុន៕

ប្រភព៖​ sportskeeda