លេងមែនទែនហើយ! Man UTD នឹងលក់កីឡាករប្រាំបីរូបនេះចោលក្នុងទីផ្សារដោះដូរកីឡាករខាងមុខ

អង់គ្លេស៖ ក្លិប Manchester United បានបញ្ជាក់យ៉ាងច្បាស់ថា ក្លិបនឹងដាក់លក់កីឡាករចំនួនប្រាំបីនាក់សម្រាប់ទីផ្សារដោះដូរកីឡាករមុខនេះ ហើយ ក្នុងនោះក៏មានអ្នកចាំទី Sergio Romero និង Joel Pereira។

ជាការពិតណាស់ Romero មានបំណងចង់ចាកចេញពី Man Utd តាំងពីទីផ្សារដោះដូរកីឡាករកន្លងផុតទៅពីរដង ប៉ុន្តែ មិនបានទទួលជោគជ័យឡើយ។ យ៉ាងណាក្តីវត្តមានមកដល់របស់ Dean Henderson កាន់តែធ្វើឲ្យរូបគេមិនមានឱកាសក្នុងការបង្ហាញខ្លួន ហើយ ចាប់តាំងពីឆ្នាំ២០១៥ ខ្លួនទើបតែបង្ហាញខ្លួនបាន៦១ប្រកួតតែប៉ុណ្ណោះ។ 

សម្រាប់ Pereira គឺ នឹងចាកចេញដូចគ្នាបន្ទាប់ពីលេងបានតែមួយប្រកួតប៉ុណ្ណោះ និង ត្រូវបានក្លិបដាក់ឲ្យក្រុមផ្សេងៗខ្ចីជើងជាហូរហែរចំនួនប្រាំមួយក្លិបហើយ។

ក្រៅពី Romero និង Pereira កីឡាករប្រាំមួយនាក់ទៀតដែលក្លិបនឹងអនុញ្ញាតឲ្យចាកចេញរួម គឺ ជាកីឡាករយុវជនដែលរួមមាន Jacob Carney,Mark Helm, Lestyn Hughes, midfielder Arnau Puigmal, Max Taylor និង Aliou Traore៕

ប្រភព៖​ goal