ចង់ឲ្យមកណាស់! Pique សង្ឃឹមថា តារាឆ្នើមរូបនេះ នឹងផ្លាស់មកចូលរួមជាមួយ Barcelona

June 12, 2021

អេស្ប៉ាញ៖ ខ្សែការពារកណ្ដាលរបស់ក្លិបអ្នកមានបុណ្យBarcelona កីឡាករ Gerard Pique បានសារភាពថា គាត់ពិតជាសង្ឃឹមថា ក្លិបនឹងអាចផ្ទេរយកខ្សែប្រយុទ្ធក្រុម BorussiaDortmund កីឡាករ Erling Haaland នៅរដូវក្ដៅនេះ។

ទាកទងនឹងរឿងខាងលើ Pique បានលើកឡើងកំលុងពេលនិយាយជាមួយ តារា Youtube លោក Ibai Llanos ថា៖

ខ្ញុំមិនដឹងថាយ៉ាងម៉េចទេ គ្រាន់តែសង្ឃឹមថា Haaland នឹងមក Barcelona ។ កីឡាករល្អគួរតែមកចូលរួមជាមួយពួកយើង ប៉ុន្តែនេះជាការសម្រេចចិត្តរបស់ក្លិប។
— កីឡាករ Gerard Pique

បន្ថែមពីនេះ Pique ក៏បាននិយាយពីទំនាក់ទំនងរបស់គេ ជាមួយកីឡាករចំណូលថ្មី Sergio Aguero ផងដែរ ដោយខ្សែបម្រើរូបនេះ បានលើកឡើងថា៖

ខ្ញុំមានទំនាក់ទំនងល្អជាមួយគាត់យូរមកហើយ។ ច្រើនឆ្នាំហើយ ដែលយើង បានទំនាក់ទំនងគ្នាក្នុងបណ្ដាញសង្គម។ ខ្ញុំបានលេង ពានរង្វាន់ World Cup អាយុក្រោម២០ឆ្នាំ ទល់នឹងគាត់ ពីព្រោះ ពួកយើងស្ថិតក្នុងជំនាន់ជាមួយគ្នា។ ហើយ Messi ក៏បាននិយាយល្អពីគាត់ដែរ៕
— កីឡាករ Gerard Pique

ប្រភព៖ AF

អានបន្ថែម