ក្តៅៗ! Man UTD ចុះកុងត្រាយកបានជម្រើសជាតិ ហូឡង់ រូបនេះផ្លូវការហើយ

បរទេស៖ ទីបំផុតក្លិបបិសាចក្រហម Manchester United ចុះកុងត្រាយកបានខ្សែប្រយុទ្ធជម្រើសជាតិ ហូឡង់ កីឡាករ Wout Weghorst ផ្លូវការហើយ ក្នុងលក្ខខណ្ឌខ្ចីជើងពីក្រុម Besiktas របស់ តួកគី។

យោងតាមការចុះផ្សាយរបស់អ្នកកាសែត អ៊ីតាលី លោក Fabrizio Romano បានឱ្យដឹងថា Man UTD បានបញ្ចប់កិច្ចព្រមព្រៀងផ្លូវការហើយ ក្នុងការផ្ទេរយក Weghorst ក្នុងលក្ខខណ្ឌខ្ចីជើងពីក្រុម Besiktas។

ក្នុងនោះប្រភពដដែលបានបន្ថែមថាខាងភាគីក្រុមបិសាចគឺយល់ព្រមបង់លុយឱ្យ Besiktas ចំនួន ៣ លានអឺរ៉ូ ឬប្រមាណជា (៣.២ លានដុល្លារអាមេរិក) ក្នុងលក្ខខណ្ឌខ្ចីជើងនេះ៕

ប្រភព៖​ Fabrizio Romano