អង់គ្លេស៖ ខ្សែប្រយុទ្ធក្លិប Tottenham កីឡាករ Harry Kane ត្រូវបានគេរាយការណ៍ថា បានបើកចំហរក្នុងការផ្លាស់មកកាន់ Manchester United ក្រោយចប់រដូវកាលនេះ។
ជាការពិតណាស់ Kane ធ្លាប់មានទំនាក់ទំនងយ៉ាងខ្លាំងខ្លាក្នុងការផ្លាស់មកកាន់ Man UTD កាលពីឆ្នាំ២០២១ ហើយ នៅពេលនេះក្រោមការដឹកនាំរបស់លោក Erik ten Hag ក៏លោកចាប់អារម្មណ៍ចង់បានកីឡាករជម្រើសជាតិអង់គ្លេសដែលមានវ័យ២៩ឆ្នាំខាងលើផងដែរ។
បើយោងទៅតាមការចុះផ្សាយរបស់ Daily Mail បានលើកឡើងថា Man UTD កំពុងតែចាប់ផ្តើមលើការងារចង់បាន Kane មករួមក្រុមហើយ ខណៈ សមីខ្លួនក៏ចង់ផ្លាស់មកកីឡដ្ឋាន Old Trafford ដូចគ្នា រីឯកិច្ចសន្យារបស់គេជាមួយ Spurs វិញនៅសេសសល់រហូតដល់បញ្ចប់រដូវកាល ២០២៣/២០២៤ ឯណោះ៕
ប្រភព៖ metro