Romano ថា Cancelo ត្រូវក្លិបយក្សមួយនេះបដិសេធមិនយកមករួមក្រុម មុនពេលផ្លាស់ទៅ Bayern Munich

អេស្ប៉ាញ៖ អ្នកកាសែត Fabrizio Romano បានបង្ហើបឲ្យដឹងថា Real Madrid មានឱកាសបានខ្ចីជើងខ្សែការពារ Joao Cancelo ពី Manchester City តែក្លិបបានច្រានចោលសំណើនេះ។​

ភាគីលោក Carlo Ancelotti កំពុងមានវិបត្តិខ្សែការពារ បន្ទាប់ពីកីឡាករដូចជា David Alaba, Ferlamd Mendy និង Eder Militao ជាដើមបានរងរបួស។​

យ៉ាងណាមិញទោះបីកំពុងប្រឈមនឹងបញ្ហានេះក៏ដោយក៏ Real Madrid បានបដិសេធមិនយក Cancelo មករួមក្រុមនោះដែរដោយសុខចិត្តយកកីឡាករ Vinicius Tobias ពីក្រុមយុវជនមកលេងជំនួស។

​ដូច្នេះហើយទើបចុងក្រោយ Joao Cancelo បានផ្លាស់ទៅ Bayern Munich ក្នុងលក្ខខណ្ឌខ្ចីជើងនាថ្ងៃទៅ៣១ខែមករាកន្លងទៅ៕

ប្រភព៖​ football-espana