ប្រឹងអស់ហើយ! មកដឹកលោក Zidane យល់ឃើញយ៉ាងណាខ្លះ ក្រោយចាញ់ Chelsea យប់មិញ?

May 6, 2021

អឺរ៉ុប៖ លោក Zinedine Zidane បានសារភាពថាក្រុម Chelsea ពិតជាអស្ចារ្យខ្លាំងណាស់ ហើយពួកគេសមនឹងឈ្នះជាមួយការប្រកួតនេះខណៈដែលអ្នកចាត់ការសញ្ជាតិបារាំងបានអះអាងបន្ថែមថា ក្រុមរបស់លោកកាលពីយប់មិញគឺបានគាំងទម្រង់លេងបាត់ទៅហើយ។

លោក Zinedine Zidane និង Hazard — លោក Zinedine Zidane និង Hazard

គួរបញ្ជាក់ថា កីឡាករ TimoWerner និង Mason Mount រកបានម្នាក់មួយគ្រាប់ ជួយឱ្យក្រុម Chelsea ទទួលជ័យជម្នះ ២-០ ទៅលើក្រុម Real Madrid សម្រាប់ការប្រកួតជើងទី២ នៃវគ្គពាក់កណ្តាលផ្តាច់ព្រ័ត្រនៃពានរង្វាន់ Champions League នេះ។ ដោយសរុបលទ្ធផលទាំង ពីរ ជើងគឺក្រុមតោខៀវបានទទួលជ័យជម្នះ ៣-១។

លទ្ធផលបែបនេះគឺមានន័យថា ក្រុមរបស់លោកThomas Tuchel នឹងត្រូវឡើងទៅជួបក្រុម Manchester City ក្នុងវគ្គផ្តាច់ព្រ័ត្រ នាចុងខែនេះ នៅទីក្រុង Istanbulរបស់ប្រទេស ទួកគី។ ស្របពេលដែលក្រុម RealMadrid នឹងត្រូវមានភារកិច្ចប្រជែងពាន Laigaជាបន្តទៀតផងដែរ។

លោក Zinedine Zidane — លោក Zinedine Zidane

ក្រោយបញ្ចប់ការប្រកួតលោក Zidaneបានថ្លែងប្រាប់ គេហទំព័រ RMC Sportយ៉ាងដូច្នេះថា៖

ពួកគេធ្វើបានអស្ចារ្យមែនទែន, ពួកគេសមនឹងឈ្នះការប្រកួតនេះណាស់។ពិតណាស់ នៅក្នុងការប្រកួតពួកគេបានដាក់សម្ពាធមកលើយើងជាខ្លាំងហើយពួកគេក៏មានឱកាសច្រើនទៀតផង។ ជុំវិញការប្រកួតទាំងពីរជើងនេះ ពួកគេគឺសមនឹងទទួលបានជ័យជម្នះខ្លាំងណាស់។យើងបានជួបការប្រកួតដែលមានកម្រិតខ្ពស់មួយ ហើយយើងក៏បានខកខានរឿងខ្លះៗនៅយប់នេះផងដែរ។ វាគឺមិនពាក់ព័ន្ធនឹងការរៀបចំក្រុមទេ,ប៉ុន្តែយើងទទួលស្គាល់ថាការប្រកួតនេះគឺបានដាក់បន្ទុកយ៉ាងធ្ងន់មកលើយើង៕
— លោក Zinedine Zidane

ប្រភព៖ Goal

ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម:
https://t.me/khmerload

អានបន្ថែម