អុញនោះ! Barca កំពុងគិតគូចង់លក់ កីឡាកររូបនេះចេញនៅខែមករា

អេស្ប៉ាញ៖ យោងតាមសេចក្ដីរាយការណ៍គឺ ក្លិប Barcelona ចង់លក់ខ្សែប្រយុទ្ធ Ferran Torrres ចេញពីក្លិបនៅខែក្រោយនេះហើយ។​

កីឡាករវ័យ២២ឆ្នាំរូបនេះបានផ្ទេរពី Manchester City មកកាន់ ទឹកដី Camp Nou កាលពីខែមករាឆ្នាំនេះ ប៉ុន្តែក្នុងការបង្ហាញខ្លួន ៣១ប្រកួតនៅ La Liga គឺរូបគេរកបានតែ៦គ្រាប់និងបញ្ជូនបាល់៤គ្រាប់ប៉ុណ្ណោះ។

​ការមកដល់របស់ Robert Lewandowski និង Raphinha បានធ្វើឲ្យ Torres ត្រូវអង្គុយកៅអីបម្រុង​វិញ ហើយសារព័ត៌មាន Fichajes បានផ្សាយថា លោក Xavi Hernandez ទំនងជាអស់ការអត់ធ្មត់ជាមួយគេហើយ។​

ក្លិប Barcelona ​នឹងព្យាយាមស្វែងរកការចរចាជាមួយក្លិបផ្សេងទៀត ក្នុងការលក់ Torres ចេញខណៈដែលមានក្លិបពីរចាប់អារម្មណ៍លើគេគឺ Arsenal និង Juventus ៕

ប្រភព៖​ football-espana