ធូរថ្លៃណាស់! Barca ចង់លក់តារាជួរមុខម្នាក់របស់ខ្លួនក្នុងតម្លៃត្រឹម ១៥លាន

អេស្ប៉ាញ៖ ក្លិប Barcelona ត្រូវបានគេរាយការណ៍ថាចង់ចែកផ្លូវជាមួយខ្សែប្រយុទ្ធ Memphis Depay នៅរដូវក្ដៅនេះបើទោះបីជារដូវកាលមុនគេធ្វើបានល្អក៏ដោយ។

យោងតាមសារព័ត៌មាន COPE បានបញ្ជាក់ថា Barca បានបន្ថយតម្លៃផ្ទេររបស់គេត្រឹមតែ ១៥លានដុល្លារ ប៉ុណ្ណោះខណៈកុងត្រារបស់ Depay អស់សុពុលភាពនៅឆ្នាំ២០២៣។

ក្លិបយក្សនៅតំបន់កាតាឡាន់មួយនេះកំពុងត្រូវការប្រាក់ដោយសារស្ថានភាពហិរញ្ញវត្ថុរបស់ក្លិប ដូច្នេះទើបចង់លក់គេចេញនៅឆ្នាំនេះ ជាជាងទុកឲ្យគេដើរចេញនៅឆ្នាំក្រោយដោយគ្មានតម្លៃផ្ទេរ។

គួរបញ្ជាក់ផងដែរថា Memphis Depay ផ្ទេរមកចូលរួមជាមួយ Barcelona កាលឆ្នាំ២០២០ ដោយរកបាន១២គ្រាប់ក្នុងការបង្ហាញខ្លួន ២៨ប្រកួតនៅ La Liga នារដូវកាលមុន៕

ប្រភព៖​ sportskeeda