Real Madrid នឹងត្រូវបោះទុនខ្ទង់ ១០០ លានផោន ដើម្បីទិញយកខ្សែប្រយុទ្ធឆ្នើមសញ្ជាតិប្រេស៊ីលម្នាក់ នៅរដូវក្ដៅនេះ

អឺរ៉ុប៖ តាមសេចក្តីរាយការណ៍បានឲ្យដឹងថាក្លឹប Real Madrid ត្រូវចំណាយប្រាក់ចំនួន ១០០ លានផោនដើម្បីយក Richarlison ចេញពីក្លិប Everton នៅរដូវក្តៅនេះ។

យោងតាមរបាយការណ៍របស់កាសែតអេស៉្បាញ Defensa Central បានអោយដឹងថាពេលនេះក្រុម Real Madrid នឹងចំណាយ ១០០ លានផោនជាថ្នូរនឹងកីឡាករអន្តរជាតិប្រេស៊ីលវ័យ ២៤ ឆ្នាំប៉ុន្មាន ដើម្បីឱ្យ Carlo Ancelotti ជាមួយ Richarlison បានជួបជុំគ្នា នៅក្នុងទីផ្សារដោះដូរកីឡាកររដូវក្តៅ។

កីឡាករ Richarlison ត្រូវបានគេចាត់ទុកជាខ្សែប្រយុទ្ធវ័យក្មេងម្នាក់ដែលមានភាពលេចធ្លោជាងគេនៅក្នុងក្របខ័ណ្ឌ Premier League ចាប់តាំងពីគាត់បានមកដល់ប្រទេសអង់គ្លេសជាលើកដំបូងដោយចូលរួមជាមួយ Watford នៅរដូវក្តៅឆ្នាំ ២០១៧ ៕