ស្រលាញ់តាំងនៅក្មេង! Diallo ថា ដោយសារវត្តមានតារាឆ្នើមម្នាក់នេះទើបខ្លួនផ្លាស់មក Man UTD

June 21, 2021

អង់គ្លេស៖ ខ្សែប្រយុទ្ធក្លិប Manchester United កីឡាករ Amad Diallo បានទម្លាយឲ្យដឹងថា វត្តមានរបស់ Paul Pogba គឺ ជាមូលហេតុដែលរូបគេបានសម្រេចចិត្តមកចូលរួមនៅកីឡដ្ឋាន Old Trafford។

កីឡាករ Amad Diallo និង Paul Pogba — កីឡាករ Amad Diallo និង Paul Pogba

ជាការពិតណាស់ កីឡាករសញ្ជាតិកូតឌីវ័រខាងលើ បានចាកចេញពី Atalanta ដើម្បីផ្ទេរមកកាន់ Man Utd កាលពីខែមករាកន្លងទៅក្នុងតម្លៃ ៣៧.៥លានផោន ហើយ រូបគេទើបតែបានបង្ហាញខ្លួនបានប្រាំបីប្រកួតប៉ុណ្ណោះ និង រកគ្រាប់បាល់បានមួយគ្រាប់ក្នុងជំនួបទល់នឹង AC Milan នៃពានរង្វាន់ Europa League។

Diallo បាននិយាយថា៖

ខ្ញុំធ្លាប់បានជួប Pogba នៅពេលដែលខ្ញុំហាត់នៅ Juventus។ បន្ទាប់ពីបញ្ចប់ការហ្វឹកហាត់ គេសួរថាខ្ញុំចង់ថតរូបជាមួយនរណាជាងគេ ហើយ ខ្ញុំក៏បានជ្រើសយក Pogba ដោយសារ គាត់ជានិមិត្តរូបរបស់ខ្ញុំ។ នៅពេលដែលខ្ញុំទទួលបានសំណើពី Man Utd គឺ ខ្ញុំមិនមានអ្វីត្រូវគិតច្រើនឡើយព្រោះ Pogba មានវត្តមាននៅទីនេះស្រាប់៕
— កីឡាករ Amad Diallo

ប្រភព៖ metro

អានបន្ថែម