Kane និង Cavani គិតថាខ្សែការពាររូបនេះ ពិបាកនឹងទប់ទល់ជាងគេបំផុត

September 13, 2021

អង់គ្លេស៖ ខ្សែប្រយុទ្ធ Edinson Cavani នៃក្លិប Manchester United និង Harry Kane នៃក្លិប Tottenham Hotspur គិតដូចគ្នាថាខ្សែការពារ Giorgio Chiellini ជាកីឡាករដែលពិបាកនឹងទប់ទល់បំផុតក្នុងអាជីពកន្លងមក។

Cavani ធ្លាប់លេងនៅក្លិប Palermo ,Napoli និង Paris Saint-Germain មុនផ្ទេរមក Man UTD ខណៈដែល Kane លេងនៅ Spurs ប៉ុន្តែ Cavani សុទ្ធតែធ្លាប់បានលេងនៅពានរង្វាន់ Champions League ដែលជាការប្រកួតអន្តរជាតិរវាងក្លិបខ្លាំងៗទាំងអស់នៅតំបន់អឺរ៉ុបឯ Kane បានដឹកនាំក្រុមជម្រើសជាតិអង់គ្លេសប្រកួតទល់នឹង អ៊ីតាលី ដែលមាន Chiellini ជាប្រធានក្រុមនៅ ការប្រកួត Euro 2020 កន្លងទៅនេះដូច្នេះទើបខ្សែប្រយុទ្ធទាំងពីរសន្មតថាកីឡាករវ័យ៣៧ឆ្នាំរូបនេះពិតជាពូកែ។

ខ្សែប្រយុទ្ធ Edinson Cavani និង Georgio Chiellini

ខ្សែការពារ Georgio Chiellini និង Harry Kane

Cavani បានឆ្លើយសំណួរទៅកាន់អ្នកគាំទ្រ Man UTD ថា៖

អ្នកអាចដឹងហើយថាខ្ញុំធ្លាប់លេងទល់នឹងគូប្រកួតជាច្រើន និងមានកីឡាករច្រើននាក់ដែលពិបាកនឹងទប់ទល់។ ប៉ុន្តែខ្ញុំធ្លាប់និយាយយូរមកហើយ ថាខ្សែការពារដែលពិបាកនឹងទប់ទល់បំផុតគឺ Giorgio Chiellini ។ ពួកយើងធ្លាប់លេងតទល់គ្នាជាច្រើនប្រកួត ដូច្នេះខ្ញុំអាចប្រាប់អ្នកបានថាគេជាខ្សែការពារដែលពិបាកនឹងទប់ទល់នឹងតាមដែលខ្ញុំធ្លាប់ជួប។
— ខ្សែប្រយុទ្ធ Edinson Cavani

ដោយឡែក Harry Kane ក៏បានថ្លែងប្រាប់ The Guardian ផងដែរថា៖

ខ្ញុំធ្លាប់ត្រូវគេសួរច្រើនដងថាមួយណាជាខ្សែការពារពិបាកនឹងទប់ទល់បំផុត ហើយខ្ញុំនឹងនិយាយថា Chiellini ។ ខ្ញុំធ្លាប់តទល់ជាមួយគេពីរបីដងដែរ។ មួយទៀតគឺ John Terry ។ Chiellini ពិតជាមានបទពិសោធន៍ណាស់ គេបានប្រើប្រាស់រាងកាយខ្លួនឯងបានល្អ នៅពេលអ្នកព្យាយាមរត់ឲ្យផុតពីគេគឺគេដឹងថាគេគួររត់មកបញ្ឈប់អ្នកនៅត្រង់ណា។ ខ្ញុំគិតថាខ្សែការពារដែលមានបទពិសោធន៍ជាកីឡាករដែលពិបាកនឹងទប់ទល់ព្រោះពួកគេដឹងចង្វាក់ដែលត្រូវបញ្ឈប់អ្នក៕
— ខ្សែប្រយុទ្ធ Harry Kane

ប្រភព៖ mirror

អានបន្ថែម