ចង់ចាកចេញ! កីឡាករ Man UTD ម្នាក់នេះអត់សូវសប្បាយចិត្តនឹង Ten Hag ទេព្រោះមិនដាក់ឲ្យគេចូលលេង
អង់គ្លេស៖ ខ្សែប្រយុទ្ធវ័យក្មេង Anthony Elanga ត្រូវបានគេរាយការណ៍ថា មិនពេញចិត្តនឹងលោក Erik Ten Hag ដោយសារលោកពុំសូវផ្ដល់ឱកាសឲ្យគេបានចូលលេង ដោយក្នុងនោះកីឡាកររូបនេះក៏កំពុងសម្លឹងរកផ្លូវចាកចេញពីក្លិបផងដែរ។
កាលលោក Ralf Rangnick នៅដឹកនាំក្រុមគឺ Elanga មានឱកាសបានបង្ហាញខ្លួនញឹកញាប់ ប៉ុន្តែចាប់តាំងពីលោក Ten Hag ចូលមកដឹកនាំគឺកីឡាកររូបនេះពុំបានចូលលេងញឹកញាប់ដូចមុនទេ។
Elanga ទើបតែចុះកុងត្រាថ្មីជាមួយបិសាចក្រហមកាលពី១ឆ្នាំមុន ខណៈដែលពេលនេះ រូបគេចង់ឲ្យលោក Ten Hag ពិចារណាដាក់គេឲ្យចូលលេងដោយសារ ការចាកចេញរបស់ Cristiano Ronaldo ហើយម្យ៉ាងទៀត Jadon Sancho ក៏មិនទាន់ត្រឡប់មកវិញ។
យ៉ាងណាមិញ លោក Ten Hag បានបង្ហើបថាលោកនឹងទិញយកខ្សែប្រយុទ្ធថ្មីដ៏មានគុណភាពមកជំនួសកន្លែង Ronaldo ដែលធ្វើឲ្យឱកាសក្នុងការបង្ហាញខ្លួនរបស់ Elanga នៅតែតិចតួចស្ដួចស្ដើង។
ម៉្លោះហើយ Anthony Elanga ចង់ចាកចេញទៅខ្ចីជើងនៅក្លិបដទៃ ខណៈដែល Everton បានបង្ហាញចំណាប់អារម្មណ៍ចង់បានគេ៕
ប្រភព៖ metro