អតីតគ្រូ Man UTD រូបនេះនិយាយចំៗថា ចង់វិលត្រឡប់មកក្លិបវិញ តែមិនមែនតំណែងអ្នកចាត់ការទេ

January 17, 2023

អង់គ្លេស៖ លោក David Moyes ជាគ្រូបង្វឹករបស់ក្លិប West Ham បាននិយាយថារូបគាត់ចង់ត្រឡប់មកធ្វើការនៅក្លិបបិសាចក្រហម Manchester United វិញក្នុងតំណែងណាមួយផ្សេងពីអ្នកចាត់ការ បន្ទាប់ពីលោកចូលនិវត្តន៍ពីការធ្វើជាគ្រូបង្វឹក។

លោក Moyes បានទទួលការងារជាគ្រូបង្វឹករបស់បិសាចក្រហម ចាប់ពីឆ្នាំ២០១៣ ដល់២០១៤ បន្ទាប់ពី Sir Alex Ferguson ប្រកាសចូលនិវត្តន៍ដោយលោក ដឹកនាំបានតែ១០ខែគត់ក៏ត្រូវបណ្ដេញចេញ ដោយកាលណោះ Manchester United ឈរនៅលេខ៧ក្នុងតារាង Premier League និងពុំមានកៅអីបានចូលលេងពានរង្វាន់អឺរ៉ុបណាមួយនោះទេ។

ថ្មីៗនេះលោក Moyes បានបង្ហើបប្រាប់ Diary of a CEO ថា៖

ខ្ញុំមិនគិតថាខ្ញុំអាចធ្វើជាគ្រូបង្វឹកនៅទីនោះទេ គឺពេលវេលារបស់ខ្ញុំបានអស់ហើយ។ ប៉ុន្តែខ្ញុំតែងតែចង់ទាក់ទងនឹងបាល់ទាត់ និងសង្ឃឹមថាខ្ញុំអាចផ្ដល់បទពិសោធន៍ដែលខ្ញុំមាននៅពេលដែលខ្ញុំអស់ពេលវេលាធ្វើជាគ្រូបង្វឹក។ Manchester United គឺជាបទពិសោធន៍មួយដ៏អស្ចារ្យហើយ។ នៅពេលអ្នកគ្រប់គ្រង United វាដូចជារស់នៅក្នុងវីឡាមួយហើយមើលចេញទៅខាងក្រៅ។
— លោក David Moyes

ប្រភព៖ metro

ដៃគូរសហការ One Football

អានបន្ថែម