Sancho អាចនឹងទទួលបានប្រាក់ឈ្នួល ៣៥មុឺនផោនក្នុងមួយសប្តាហ៍បើរូបគេចូលរួមជាមួយក្លិបមួយនេះ

បរទេស៖ កីឡាករសញ្ជាតិអង់គ្លេសដេលកំពុងតែប្រកបអាជីពនៅក្រុម Borussia Dortmund គឺ កីឡាករ​ Jordan Sancho អាចនឹងទទួលបានប្រាក់ឈ្នួលរហូតទៅដល់ 35 មុឺនផោនប្រសិនបើរូបគេធ្វើការផ្ទេរទៅកាន់ក្រុមបីសាចក្រហម Manchester United ។

បច្ចុប្បន្នក្រុមបិសាចក្រហម Manchester United បានកំពុងបន្តចំណាប់អារម្មណ៏របស់ពួកគេទៅលើខ្សែបម្រើសា្លបសញ្ជាតិអង់គ្លេសរបស់ក្រុម Borussia Dortmund បន្ទាប់ពីត្រូវបានក្រុមមួយនេះធ្វើការបដិសេធនូវសំណើររបស់ពួកគេម្តងរួចមកហើយកាលពីមួយឆ្នាំមុនដោយសារតែក្លិបទាំងពីរមិនអាចចរចារក្នុងការកំណត់តម្លៃព្រមព្រៀងគ្នាមួយក្នុងការផ្ទេររបស់កីឡាកររូបនេះ​កាលពីឆ្នាំមុន។

ក្រុមបិសាចក្រហម Manchester United និង ក្រុម Borussia Dortmund កំពុងតែស្ថិតនៅក្នុងការតវ៉ាគ្នាចំពោះបញ្ហាតម្លៃខ្លួនរបស់កីឡាករ Jordan Sancho ជាមួយនឹងការបដិសេធពីក្រុម Dortmund លើសំណើរ ៦៧ លានផោនរបស់បីសាចក្រហមកាលពីថ្ងៃព្រហស្បតិ៏ ខណះដែលពួកគេទាមទារចង់បានតម្លៃ ៨០លានផោនចំពោះ Sancho ។

ទោះបីជាមានបដិសេធក៏ដោយក៏ក្រុមដែលមានមូលដ្ឋាននៅទីក្រុង Manchester បានយល់ព្រមលើលក្ខខណ្ឌផ្ទាល់ខ្លួនជាមួយ Sanchoហើយ។ ហើយបើយោងទៅតាមសារព័ត៌មាន The Guardian បានអោយដឹងថាកីឡាករវ័យ ២១ ឆ្នាំរូបនេះនឹងត្រូវបានផ្តល់កិច្ចសន្យារយៈពេល ៥ ឆ្នាំដែលមានតម្លៃប្រហែល ៣៥០,០០០ ផោនក្នុងមួយសប្តាហ៍។​ ដូច្នេះកីឡាករសញ្ជាតិអង់គ្លេសនឹងក្លាយជាអ្នករកប្រាក់ចំណូលបានច្រើនបំផុតទី ២ នៅក្លឹបដោយស្ថិតនៅក្រោមអ្នកចាំទី De Gea ដែលមានតម្លៃ ៣៧៥.០០០ ផោនក្នុងមួយសប្តាហ៍៕