កប់! កីឡាករឆ្នើមរូបនេះ យល់ព្រមកាត់ប្រាក់ឈ្នួលរបស់ខ្លួន ឲ្យតែបានមកចូលរួមជាមួយ R.Madrid

បរទេស៖ កីឡាករឆ្នើមវ័យក្មេង Kylian Mbappe ត្រូវបានរាយការណ៍ថា យល់ព្រមកាត់ប្រាក់ឈ្នួលរបស់ខ្លួនឲ្យតែបានមកចូលរួមជាមួយ Real Madrid។

ជាការពិតណាស់ កីឡាករវ័យ ២៣ឆ្នាំ​​ ខាងលើ ធ្លាប់ជាអ្នកគាំទ្រក្លិបអធិរាជស R.Madrid តាំងពីវ័យកុមារមកម្ល៉េះ ហើយគេក៏មានបំណងចង់ផ្លាស់មកចូលរួមជាមួយ នៅពេលចប់រដូវកាលនេះដែរ។ លើសពីនេះទៅទៀត កាលពីថ្មីៗនេះ ក៏ធ្លាប់មានរបាយការណ៍បានចុះផ្សាយថា Mbappe បានចុះកុងត្រាបណ្តោះអាសន្នជាមួយ R.Madrid រួចមកហើយ ប៉ុន្តែយ៉ាងណាមិញ PSG នៅតែព្យាយាមតាមចងជើង Mbappe មិនទាន់ឲ្យចាកចេញពីក្លិបឡើយ។

បើយោងទៅតាមសារកាសែត Marca បានចុះផ្សាយឲ្យដឹងថា Mbappe គ្រោងនឹងចោលរួមជាមួយ R.Madrid នៅរដូវក្តៅខាងមុខនេះ ដោយគេស្ម័គ្រចិត្តកាត់ប្រាក់ឈ្នួលចោលខ្លះ ឲ្យតែបានផ្លាស់មកកីឡដ្ឋាន​ Santiago Bernabeu បានដោយរលូន៕

ប្រភព៖​ sportsmole